બોક્સ ઓફિસ પર રૂપિયા છાપી રહી છે Stree 2, જાણો અત્યારસુધીનું કલેક્શન
રાજકુમાર રાવ અને શ્રદ્ધા કપૂર સ્ટાર્ટર Stree 2 બોક્સ ઓફિસ પર ધમાલ મચાવી રહી છે. આ ફિલ્મએ બોક્સ ઓફિસ પર રૂપિયાનો વરસાદ કર્યો છે.
પહેલા દિવસે શાનદાર ઓપનિંગ બાદ ફિલ્મ સતત શાનદાર કમાણી કરી રહી છે. હાલની સ્થિતીએ ફિલ્મ જલ્દી 500 કરોડનો આંકડો પાર કરી શકે છે.
સ્વતંત્રતા દિવસે રિલીઝ થયેલી આ ફિલ્મે શરૂઆતના દિવસે જ 64 કરોડ રૂપિયાની કમાણી કરી હતી. માત્ર 8 દિવસમાં જ આ ફિલ્મે દુનિયાભરમાં 400 કરોડ રૂપિયાનો આંકડો પાર કરી લીધો છે.
આ ફિલ્મે નવમા દિવસે બોક્સ ઓફિસ પર શાનદાર કલેક્શન કર્યું છે. ફિલ્મના 9મા દિવસના કલેક્શનના પ્રારંભિક અંદાજ અનુસાર 16.50 કરોડ રૂપિયાની કમાણી કરી લીધી છે.આ પ્રમાણે ફિલ્મે અત્યાર સુધીમાં 323.5 કરોડ રૂપિયાનું કલેક્શન કર્યું છે. જો કે આ ફિલ્મની કમાણીનો માત્ર પ્રારંભિક આંકડો છે, પરંતુ ફિલ્મનું વાસ્તવિક કલેક્શન આવવાનું બાકી છે.
જણાવી દઈએ કે, જ્યારે ફિલ્મે 14 ઓગસ્ટના રોજ પ્રિવ્યૂના દિવસે 9.40 કરોડ રૂપિયાની કમાણી કરી હતી તો 15 ઓગસ્ટે 55.40 કરોડ રૂપિયા, 16 ઓગસ્ટે 35.30 કરોડ રૂપિયા, 17 ઓગસ્ટે 45.70 કરોડ રૂપિયાની કમાણી કરી હતી.
આગળ 18 ઓગસ્ટના રોજ 55.40 કરોડ, 19 ઓગસ્ટે 38.40 કરોડ, 26.80 કરોડ, 22 ઓગસ્ટે 18.20 કરોડ રૂપિયાની કમાણી કરી છે.
Click it and Unblock the Notifications
Sign in with Google
