સાચે જ મીઠી-મધુરી લાગે છે સુભાષ ઘઈની કાંચી : જુઓ તસવીરો-ટ્રેલર

Published: Saturday, March 8, 2014, 16:58 [IST]

મુંબઈ, 8 માર્ચ : બૉલીવુડમાં નવોદિત અભિનેત્રી મિષ્ટીનું નામ ચર્ચામાં છે. આ મિષ્ટી ગ્રેટ શો મૅન સુભાષ ઘઈની શોધ કહેવાય છે. સુભાષ ઘઈએ પોતાની ફિલ્મોમાં એમ નામાક્ષર ધરાવતી અભિનેત્રીને બ્રેક આપવાની પરમ્પરા હેઠળ મિષ્ટીને પોતાની આગામી ફિલ્મ કાંચીમાં બ્રેક આપ્યું છે.

સુભાષ ઘઈની આ મિષ્ટી ગઈકાલે કાંચી ફિલ્મના ટ્રેલર રિલીઝ પ્રસંગે પહેલી વખત કોઈ બૉલીવુડ ઇવેંટમાં નજરે ચઢ્યાં. આ ઇવેંટમાં મિષ્ટી એક સાધારણ યુવતીની જેમ લાગી રહ્યા હતાં. તેમનુ નામ મિષ્ટી છે કે જે બંગાળી નામ છે અને તેનો અર્થ થાય છે ગળ્યું-મીઠું અને ગઈકાલે જ્યારે પહેલી વાર મિષ્ટી જાહેર સમારંભમાં દેખાયાં, ત્યારે સાચે જ તેઓ મીઠા અને મધુરા લાગી રહ્યા હતાં. ફિલ્મના ટ્રેલરમાં પણ મિષ્ટી ખૂબ જ સુંદર દેખાઈ રહ્યાં છે. કાંચી ફિલ્મના ટ્રેલર રિલીઝ પ્રસંગે મિષ્ટી, સુભાષ ઘઈ, કાર્તિક તિવારી ઉપરાંત હાઈવે ફિલ્મના નિર્માતા ઇમ્તિયાઝ અલી અને રમેશ એસ તૌરાની પણ હાજર રહ્યા હતાં.

ચાલો જોઇએ કાંચી ફિલ્મના ટ્રેલર રિલીઝ પ્રસંગની તસવીરો અને માણીએ ટ્રેલર પણ :

સુભાષની શોધ મિષ્ટી

મિષ્ટી બંગાળી અભિનેત્રી છે કે જેમને સુભાષ ઘઈએ પોતાની ફિલ્મમાં બ્રેક આપ્યું છે.

સુભાષનું એમ ફૅક્ટર

સુભાષ ઘઈ એમ ફૅક્ટર ઉપર કામ કરે છે. તેમની મોટાભાગની ફિલ્મોની અભિનેત્રીઓના નામ એમ અક્ષરથી શરૂ થાય છે અને તે મુજબ જ મિષ્ટી પણ એમ નામાક્ષર સાથે આ ફિલ્મના અભિનેત્રી બન્યાં છે.