"એડ અંગે સરકાર નિર્ણય લે, મહિલાઓ મને રોકવાવાળી કોણ?"

સની લિયોને કહ્યું કે, નાગરિકો માટે શુ સારું છે એ સરકાર વધુ સારી રીતે જાણે છે. પરંતુ કોઇને પણ મને એ કહેવાનો હક નથી કે, મારે શું કરવું અને શું ન કરવું.

રિપબલ્કન પાર્ટી ઓફ ઇન્ડિયા(આરપીઆઇ)ની મહિલા વિંગે સની લિયોન ની કોન્ડોમની જાહેરાત સામે વિરોધ વ્યક્ત કર્યો હતો તથા કહ્યું હતું કે આ જાહેરાતને કારણે મહિલાઓને અણછાજતી પરિસ્થિતિમાં મુકાવું પડે છે. આ અંગે પહેલા તો સની લિયોને કોઇ પ્રતિક્રિયા નહોતી આપી. પરંતુ બુધવારે તેણે આ અંગે પ્રતિક્રિયા આપતા કહ્યું કે, જો હું કંઇ ખોટું કરી રહી હોઉં તો સરકાર મને રોકી શકે છે.

સની લિયોને આરપીઆઇના વિરોધ સામે કહ્યું છે કે, જો આ જાહેરાત સામે પ્રોબ્લેમ હોય તો સરકારે એ અંગે નિર્ણય લે કે આ જાહેરાત બતાવવી કે નહીં. સરકાર વધુ સારી રીતે જાણે છે કે નાગરિકો માટે શું સારું છે અને શું નહીં. પરંતુ કોઇને પણ મને એ કહેવાનો હક નથી કે મારે શું કરવું અને શું ન કરવું. લોકતંત્રમાં સૌને પોતાની વાત કહેવાનો હક છે, જો હું કોઇ એડ માટે કામ કરું તો એમાં ખોટું શું છે. સની લિયોને એક બ્રાન્ડના પ્રમોશન સમયે આ વાત કહી હતી.

English summary

Sunny Leone finally reacts on banning condom ad.