PICS : ‘મર’ કર હિટ હોને વાલે કો શાહરુખ ખાન કહતે હૈં...

Published: Monday, June 30, 2014, 12:20 [IST]

મુંબઈ, 30 જૂન : શાહરુખ ખાન. હિન્દી સિનેમાનુ તે નામ છે કે જેણે પોતાના બળે સફળતાની દાસ્તાન લખી છે અને બૉલીવુડમાં બાદશાહત સ્થાપિત કરી છે. પોતાના કેટલાક કઠણ નિર્ણયોના કારણે જ આજે શાહરુખ ખાન કિંગ ખાન છે. તેમની ફિલ્મોમાં ભજવાયેલ કેટલાક પાત્રો એવા છે કે જે ભારતીય સિનેમાના અમર ચરિત્ર બની ચુક્યાં છે. મતલબ એ કે શાહરુખે તેવા પાત્રોમાં પોતાના સચોટ અભિનય દ્વારા એવા રંગો ભર્યા છે કે જે કોઈ બીજો ન ભરી શકે.

અમે અમર ચરિત્ર એટલા માટે કહી રહ્યા છીએ, કારણ કે તે ફિલ્મોમાં કિંગ ખાને પડદા ઉપર મરવુ પડ્યું, પણ તેમનુ મોત પણ દર્શકોના દિલોમાં જગ્યા બનાવી ગયું. બાઝીગર, અંજામ, ડર એવી ફિલ્મો છે કે જેમાં કિંગ ખાને નેગેટિવ રોલ કર્યા અને કેટલીક ફિલ્મોમાં તેમણે દમ તોડ્યો, પણ દર્શકોએ તેમને દિલથી જોડી લીધો.

શાહરુખ ખાનને આજે બૉલીવુડમાં આવ્યે 22 વર્ષ થઈ ચુક્યા છે. આજે પણ તેમના અભિનયમાં તે જ જાદુ છે કે જે 22 વર્ષ પહેલા આવેલી તેમની ફિલ્મ દીવાનામાં હતુ. આજે પણ તેઓ જ્યારે સ્મિત ફરકાવે છે, ત્યારે યુવાન છોકરીઓના દિલ ડોલી જાય છે. ઉંમરમાં ભલે શાહરુખના જીવનમાં વધારો થયો હો, પણ તેમના પ્રત્યે લોકોની દીવાનગી ઓછી થવાનુ નામ નથી લેતી.

આવો જોઇએ શાહરુખ ખાનની તેવી ફિલ્મો કે જેમાં તેમણે મરવુ પડ્યું, પણ દર્શકોના દિલના રાજા બની ગયા :

બાઝીગર

શાહરુખે પહેલી વાર બાઝીગર ફિલ્મમાં નેગેટિવ રોલ કર્યો હતો. ફિલ્મના અંતે તેમણે મરવુ પડ્યુ હતું. અબ્બાસ-મસ્તાન દિગ્દર્શિત આ ફિલ્મ ગોલ્ડન જ્યુબિલી હતી કે જેણે શાહરુખને રાતો-રાત સ્ટાર બનાવી દીધી હતી.