સુષ્મિતા સેને બૉયફ્રેન્ડ રોહમન શૉલ સાથે કર્યુ બ્રેકઅપ! કપલ વિશે સામે આવી આ વાત

મીડિયા રિપોર્ટસ મુજબ સુષ્મિતા અને રોહમનનુ બ્રેકઅપ થઈ ગયુ છે.

By Desk

Updated: Thursday, December 23, 2021, 16:40 [IST]

મુંબઈઃ અભિનેત્રી સુષ્મિતા સેન અને મૉડલ રોહમન શૉલ બૉલિવુડના સૌથી મનગમતા કપલ ગણવામાં આવે છે. રોહમન ઘણા સમયથી સુષ્મિતાના ઘરે જ રહે છે. જો કે હવે જાણવા મળ્યુ છે કે બંને વચ્ચે બધુ ઠીક નથી. મીડિયા રિપોર્ટસ મુજબ સુષ્મિતા અને રોહમનનુ બ્રેકઅપ થઈ ગયુ છે. ત્યારબાદ રોહમને સુષ્મિતાનુ ઘર પણ છોડી દીધુ છે અને તે હાલમાં એક દોસ્તના ઘરે રહે છે.

સુષ્મિતા અને રોહમન તરફથી નથી આવ્યુ કોઈ નિવેદન

ઈટાઈમ્સે સુષ્મિતા અને રોહમનના એક નજીકના વ્યક્તિના હવાલાથી માહિતી આપી છે કે સુષ્મિતા સેન અને રોહમન શૉલનુ બ્રેકઅપ થઈ ચૂક્યુ છે અને હવે બંને અલગ-અલગ રહે છે. આ સમાચારને લઈને હજુ સુધી સુષ્મિતા સેન કે રોહમન શૉલ તરફથી કોઈ પ્રતિક્રિયા આવી નથી. એવામાં સમાચારમાં કેટલી સચ્ચાઈ છે એ વિશે અમે કોઈ દાવો કરી શકતા નથી. વળી, આ સમાચાર આવ્યા બાદ સોશિયલ મીડિયા પર પણ આની ચર્ચા છે. સુષ્મિતા સેન અને રોહમન શૉલ બંનેના ફેન્સ આ સમાચારને સાંભળીને પરેશાન છે.

ઘણા વર્ષોથી સાથે છે સુષ્મિતા અને રોહમન

હાલમાં વેબ સીરિઝ આર્યાને લઈને છવાયેલી સુષ્મિતા સેન છેલ્લા ઘણા વર્ષોથી રોહમન શૉલ સાથે રિલેશનમાં છે અને ઘણીવાર બંને સાથે જોવા મળતા રહે છે. બંનેની ઉંમરમાં ઘણો મોટો તફાવત છે. રોહમન ઉંમરમાં સુષ્મિતાથી 15 વર્ષ નાનો છે. જો કે, તેની બંનેના સંબંધ પર કોઈ અસર જોવા મળી નથી. જો કે, હવે બંને વચ્ચે અલગાવની વાત સામે આવી રહી છે.

સુષ્મિતાની દીકરીઓ સાથે પણ રોહમના સારા સંબંધો

સુષ્મિતાની બે દીકરીઓ રિની અને અલીશા છે. રોહમનના રિની અને અલીશા સાથે પણ સારા સંબંધો હતા. થોડા સમય પહેલા રોહમનને સુષ્મિતા સાથે લગ્નને લઈને સવાલ કરવામાં આવ્યો તો તેમણે કહ્યુ હતુ કે અમે એક પરિવાર જ છે. સુષ્મિતાની દીકરીઓ મારા માટે પણ દીકરીઓ છે. કયારેક હું બાળકો માટે પિતાની જેમ હોઉ છુ તો ક્યારેક દોસ્તની જેમ. અમે એક સામાન્ય ફેમિલીની જેમ જ છીએ.