વિશ્વરૂપ કમાશે 350 કરોડ રુપિયા : કમલ હસન

Updated: Saturday, January 12, 2013, 15:14 [IST]

મુંબઈ, 7 જાન્યુઆરી : કમલ હસનની ફિલ્મ વિશ્વરૂપ ડાયરેક્ટ ટુ હોમ (ડીટીએચ) પર રિલીઝ થવા અંગે ઘણાં વિવાદોથી ઘેરાયેલી છે. આ ફિલ્મ તામિળ ફિલ્મ ઇન્ડસ્ટ્રી સાથે ઇન્ડિયન ફિલ્મ સર્કિટની પણ મેગા બજેટ ફિલ્મ છે. ફિલ્મનું બજેટ 100 કરોડ સુધીનું છે. સાથે જ આશા સેવાઈ રહી છે કે બૉક્સ ઑફિસે પણ આ ફિલ્મ સારો બિઝનેસ કરશે. અત્યાર સુધી જે પણ થિયેટરોમાં આ ફિલ્મ રિલીઝ થનાર છે, તેમણે એક મોટી રકમ આપી છે. સાથે જ ડીટીએચ સેટેલાઇટે પણ ફિલ્મ રિલીઝના રાઇટ્સ માટે સારી એવી રકમ નિર્માતાઓને આપી છે.

કમલ હસનના જણાવ્યા મુજબ વિશ્વરૂપ 95 કરોડ રુપિયાના બજેટમાંથી બની છે અને તેઓ ઇચ્છે છે કે આ ફિલ્મ તેના નિર્માતાઓને 100 ટકા પ્રોફિટ આપે. એનડીટીવી સાથે વાતચીત દરમિયાન કમલ હસને જણાવ્યું - હું વિશ્વરૂપ પાસેથી 100 ટકા પ્રોફિટ પામવાની આશાવ સેવુ છું. તેના માટે ફિલ્મે 350 કરોડ રુપિયા કમાવવા પડશે કે જેમાં થિયેટરો તથા ડીટીએચનો પણ પ્રોફિટ શામેલ હશે.

જાણવા એમ પણ મળે છે કે કમલ હસને પોલીસમાં ફરિયાદ નોંધાવી છે કે તેમને ફિલ્મની રિલીઝ અંગે ઘણી ધમકીઓ મળી રહી છે કે ફિલ્મ પાયરેટેડ કરાશે અને સાથે જ ફિલ્મની સ્ક્રીનિંગ દરમિયાન થિયેટરોનો વિજળી પુરવઠો કાપી દેવાશે.

કમલ હસને મીડિયા સાથે વાતચીત દરમિયાન જણાવ્યું - મને ધમકીઓ મળી રહી છે કે ફિલ્મની પાયરેસી થશે અને જે થિયેટરોમાં ફિલ્મ દર્શાવાશે, ત્યાં વિજળી કાપી દેવાશે. કારણ કે આ વસ્તુઓ કાનૂનની વિરુદ્ધ છે, તેથી મેં એડીજીપી સમક્ષ ફરિયાદ નોંધાવી છે.

હાલ તો દરેકને કમલ હસનની વિશ્વરૂપ ફિલ્મની રિલીઝનો આતુરતાપૂર્વકનો ઇંતેજાર છે. સૌ કૌઈ જોવા માંગે છે કે આ વખતે કમલ હસને શું નવુ કર્યું છે પોતાની ફિલ્મમાં.