જુઓ તસવીરો : શ્રીએ બોનીને આપી 65 લાખની કાર
મુંબઈ, 12 નવેમ્બર : બૉલીવુડમાં હાલ ગિફ્ટ આપવાનું પ્રચલન જોર પકડતું જાય છે. તેમાં દીવાળીએ વધુ રંગ ઉમેર્યું છે. આ જ શ્રેણીમાં એક જમાનાના જાણીતાં અભિનેત્રી શ્રીદેવીએ દીવાળી પ્રસંગે પોતાના પતિને એક શાનદાર ગિફ્ટ આપી છે. હા જી. શ્રીદેવીએ પોતાના પતિ બોની કપૂરને 65 લાખ રુપિયાની શાનદાર કાર પોર્શે કેયને આપી છે.
આપને જણાવી દઇએ કે સેલિબ્રિટીઓ વચ્ચે પોર્શેનો એક જુદો જ જલવો છે. તાજેતરમાં જ ભારતીય ક્રિકેટ ટીમના ભૂતપૂર્વ કૅપ્ટન તથા દેશને પ્રથમ વિશ્વ કપ અપાવનાર કપિલ દેવે પણ પોર્શેની પ્રથમ પેનામેરા ડીઝલ ખરીદી છે. પોર્શેને પણ ભારતીય બજારોમાં સેલિબ્રિટીઓના કારણે ખૂબ લોકપ્રિયતા હાસલ થઈ રહી છે. પોર્શે દ્વારા યોજાયેલા નાનકડા કૅમ્પમાં શ્રીદેવીએ પોતાના પતિ બોની કપૂરને પોર્શે કેયને કારની ચાવી સોંપી. આ પ્રસંગે શ્રીદેવી ખૂબ ખુશ નજરે પડ્યાં.
આવો તસવીરો વડે જાણીએ શ્રીદેવી દ્વારા ગિફ્ટમાં બોનીને મળેલ આ નવી કાર વિશે.
શ્રીદેવીએ પતિને સોંપી ચાવી
શ્રીદેવી પોતે આ પ્રસંગે ઉપસ્થિત હતાં અને તેમણે મીડિયા સામે પોતાના પતિને પોર્શેની શાનદાર કાર કેયનેની ચાવી સોંપી.
શ્રીદેવી 100મા ગ્રાહક
આપને જણાવી દઇએ કે પોર્શે ભારતીય બજારમાં શાનદાર પ્રદર્શન કરી રહી છે. ખાસકર બૉલીવુડ અને ક્રિકેટ જગતની જાણીતી હસ્તીઓ આ કારની ખાસ દીવાની છે. શ્રીદેવી પોર્શે કેયનેના દેશના 100માં ગ્રાહક બન્યાં છે.
પોર્શેની કારોના ફૅન છે શ્રીદેવી
આ પ્રસંગે શ્રીદેવી ખૂબ ખુશ નજરે પડ્યાં. તેમણે જણાવ્યું કે તેઓ પોર્શેની કારોના એક મોટા ફૅન છે. આ ઉપરાંત પોતાના પતિને આ ગિફ્ટ આપી શ્રીદેવી પોતે ખૂબ જ ખુશ છે.
ખુશખુશાલ શ્રીદેવી
શ્રીદેવીની ખુશીનો અંદાજો આપ પોતે જ આ તસવીર વડે લગાવી શકો છો. તાજેતરમાં જ બૉલીવુડમાં લાંબાગાળા બાદ શ્રીદેવીએ પોતાની શ્રેષ્ઠ ફિલ્મ ઇંગ્લિશ વિંગ્લિશ વડે કમબૅક કર્યું છે.
દમદાર એંજિન
પોર્શેની આ શાનદાર કારમાં કમ્પનીએ 3 લીટરની ક્ષમતાના દમદાર એંજીનનો પ્રયોગ કર્યો છે કે જે કારને 254 બીએચપીને શ્રેષ્ઠ શક્તિ પ્રદાન કરે છે. ઉપરાંત આ કારમાં ઓછા ઈંધણ ખર્ચ માટે સ્ટૉપ-સ્ટાર્ટ ટેક્નિકનો પણ પ્રયોગ કરાયો છે.
શાનદાર સ્પીડ
બૉની કપૂરને મળેલી આ શાનદાર કાર સ્પીડની બાબતમાં પણ બેહદ ખાસ છે. આ કાર લગભગ 220 કિલોમીટર પ્રતિકલાકની ઝડપે દોડવામાં સક્ષમ છે.
મજેદાર સફર
કમ્પનીએ આ કારના બહેતર રાઇડિંગ માટે 8-સ્પીડ ટ્રીટટ્રૉનિક ઑટોમૅટિક ગૅર બૉક્સનો પ્રયોગ કર્યો છે કે જે લાંબા અંતરની યાત્રા દરમિયાન ડ્રાઇવરને બહેતર સફરની તક પ્રદાન કરે છે.
સુંદર બાહ્ય દેખાવ
પોર્શે કેયનેનો લુક પણ સુંદર છે.
આંતરિક લુક પણ આકર્ષક
આ કારનો આંતરિક લુક પણ આકર્ષક છે.