શું છે Doob? જેનો રિયા અને રકુલે ચેટમાં વારંવાર ઉલ્લેખ કર્યો
શું છે Doob? જેનો રિયા અને રકુલે ચેટમાં વારંવાર ઉલ્લેખ કર્યો
નવી દિલ્હીઃ સીબીઆઈએ સુશાંત સુસાઈડ કેસની જેવી તપાસ શરૂ કરી કે આ મામલે ડ્રગ્સ એન્ગલ નીકળીને સામે આવી ગયું. જે બાદ નારકોટિક્સ કંટ્રોલ બ્યૂરોએ રિયા ચક્રવર્તી, તેના ભાઈ સૌવિક સહિત કેટલાય લોકોની ધરપકડ કરી છે. બાદમાં જ્યારે તપાસ આગળ વધી તો દીપિકા પાદુકોણ, રકુલ પ્રીત સિંહ, શ્રદ્ધા કપૂર સહિત કેટલીય અભિનેત્રીઓના નામ પણ આ મામલે સામે આવ્યાં. જે બાદ શુક્રવારે એનસીબીએ રકુલની પૂછપરછ કરી, આ દરમ્યાન રકુલે પોતાના બચાવમાં કેટલીય વાતો કહી.
Doob નો મતલબ શું?
મુંબઇ મિરરના રિપોર્ટ મુજબ રિયા ચક્રવર્તી સાથે વ્હોટ્સએપ પર વાતચીતમાં Doob નામના શબ્દનો ઉલ્લેખ હતો, જેના પર રકુલે કહ્યું કે આ રોલ કરાયેલ તમાકુ છે. જેનો ડ્રગ સાથે કોઈ સંબંધ નથી. જ્યારે એક એનસીબી અધિકારીના હવાલેથી રિપોર્ટમાં કહેવામાં આવ્યું કે તપાસ ટીમને રિયા અને રકુલની એક વ્હોટ્સએપ ચેટ મળી હતી, જેમા રિયાએ રકુલને કહ્યું કે 'Doob' કહાં હૈ. જેના પર રકુલે જવાબ આપ્યો કે મારા ઘરે. અધિકારી મુજબ ચેટમાં Doob નો મતલબ મારિજુઆના હતો.
દીપિકા- શ્રદ્ધાની પૂછપરછ
આ દરમ્યાન એક વ્હોટ્સએ ચેટમાં દીપિકા પાદુકોણ અને શ્રદ્ધા કપૂરનું નામ પણ સામે આવ્યું હતું. જે બાદ એનસીબીએ બંનેને સમન મોકલ્યું. જેના પર શનિવારે સવારે બંને એક્ટ્રેસ મુંબઈ સ્થિત એનસીબીની ઑફિસ પહોંચી, જ્યાં તેમની ડ્રગ્સ સંબંધિત પૂછપરછ કરવામાં આવી. અગાઉ શુક્રવારે દીપિકા પાદુકોણની મેનેજર કરિશ્મા પ્રકાશ અને ધર્મા પ્રોડક્શનના કાર્યકારી નિર્માતા ક્ષિતિજ રવિની પૂછપરછ કરવામાં આવી હતી. બાદમાં શનિવારે ક્ષિતિજની ધરપકડ કરવામાં આવી.
મોટા ડ્રગ્સ રેકેટની આશંકા
સૂત્રો મુજબ એનસીબીને બૉલીવુડમાં મોટું ડ્રગ્સ રેકેટ ચાલતું હોવાનો શક છે, જેમાં 50 એક્ટર-એક્ટ્રેસ સામેલ છે. આ ઉપરાંત બી ગ્રેડ ફિલ્મોના કેટલાક લોકોના નામ પણ સામે આવ્યાં છે. અગાઉ એનસીબી બૉલીવુડની જબરી હસ્તીઓને પૂછપરછ માટે બોલાવવા માંગે છે. જે બાદ નાના સ્ટાર્સનો નંબર પણ આવશે. અત્યાર સુધીની થયેલી તપાસમાં એક્ટ્રેસ દીપિકા પાદુકોણ અને શ્રદ્ધા કપૂરની 2017ના વૉટ્સએપ ચેટના આધારે પૂછપરછ કરવામાં આવી, જે જયા સાહાના ફોનમાં મળી હતી.
સુશાંત કેસ: AIIMSની મેડીકલ ટીમ પર રીયાના વકીલે ઉઠાવ્યા સવાલ, CBI પાસે કરી આ માંગ