જ્યારે લીક થયા રણબીર-કેટરીનાના પ્રાઈવેટ ફોટો, જાણો કેવુ હતું દીપિકા-સલમાનનું રિએક્શન?

બોલિવૂડ સ્ટાર માટે તેની લોકપ્રિયતા કેટલીક વખત મુશ્કેલી બની જાય છે. ફિલ્મી સ્ટાર દિલ ખોલીને કોઈપણ જાહેર જગ્યા પર ફરી પણ શકતા નથી. આવુ કરવા જતા ફોટો-વીડિયો વાયરલ થઈ જાય છે. આવુ જ કંઈક રણબીર અને કેટરીના સાથે થયુ હતું.

આલિયા સાથે લગ્ન પહેલા રણબીર કપૂર કેટરીના કૈફને ડેટ કરી રહ્યો હતો. બન્ને વર્ષો સુધી રિલેશનમાં હતા અને એકબીજા સાથે જ લિવ ઈનમા પણ રહેવા લાગ્યા હતા. આ દરમિયાન જ બન્ને એક વેકેશન માટે ઈબિઝા પહોંચ્યા હતા. અહીંથી બન્નેના મસ્તી કરતા ફોટો લીક થયા હતા. આ ફોટોમાં કેટરીના બિકીનીમાં જોવા મળી હતી. ફોટો આવતા જ સોશિયલ મીડિયા પર હંગામો થયો હતો.

આ ફોટો વાયરલ થયા બાદ કેેટરીના કૈફને જોરદાર ગુસ્સો આવ્યો હતો અને તેને પૈપરાજી વિરૂદ્ધ એક મોટી પોસ્ટ લખી હતી. બીજી તરફ આ ફોટો વાયરલ થયા બાદ સલમાન ખાન અને દીપિકાના પણ રિએક્શન સામે આવ્યા હતા.

આ મુદ્દે કરણ જોહરના શોમાં દીપિકાએ કહ્યું હતું કે, મારી સાથે આવું ક્યારેય બન્યું નથી, પરંતુ જો તમે સેલિબ્રિટી છો તો આ વસ્તુઓ થવાની જ છે. મને નથી લાગતું કે તમે કોઈને દોષી ઠેરવી શકો. હું એક જાહેર વ્યક્તિ છું અને જો કોઈ મને કેમેરામાં કેદ કરે છે તો મારે થોડું ધ્યાન રાખવું જોઈતું હતું. લોકો તમારા વિશે વાત કરશે. અહીં તમને એ પણ જણાવી દઈએ કે, આ પછી દીપિકા અને કેટરિના વચ્ચે ઘણા સમય સુધી બબાલ રહી હતી.

ફોટો વાયરલ થયા બાદ સલમાન ખાને પણ ગુસ્સો વ્યક્ત કર્યો હતો. સલમાન ખાને કહ્યું કે, આ રીતે કોઈની પણ તસવીરો લીક કરવી ખોટુ છે. કલ્પના કરો કે જો કોઈ તમારી માતા, બહેન, પત્ની અથવા ગર્લફ્રેન્ડની આ રીતે તસવીરો લીક કરે તો તમને કેવુ લાગશે?

સલમાન ખાને કહ્યું કે, તમારા બોયફ્રેન્ડની આવી તસવીરો સામે આવે તો તમને ગમશે? આ યોગ્ય નથી. આપણે ફિલ્મોમાં જે કરીએ છીએ તે અલગ વાત છે, પરંતુ કોઈના અંગત જીવનને આ રીતે ઉજાગર કરવું યોગ્ય નથી, તમને તેનો કોઈ અધિકાર નથી.

English summary

When Ranbir-Katrina's private photos were leaked