દીપિકાના હૃદયની ખૂબ જ નજીક છે યે જવાની...

મુંબઈ, 18 ડિસેમ્બર : આજકાલના કલાકારો તેવા જ પાત્રો કરે છે કે જે તેમના હૃદયને સ્પર્શતાં હોય. ખાસકરીને અભિનેત્રીઓ તો આ અંગે ખૂબ જ સતર્ક રહે છે. તાજેતરમાં જ દીપિકા પાદુકોણેએ પણ પોતાની આવનાર ફિલ્મ યે જવાની હૈ દીવાનીના રોલને પોતાના હૃદયની ખૂબ નજીક ગણાવ્યો છે. એમ તો લોકો આ ફિલ્મ અંગે પહેલી વાર સાંભળ્યા બાદ એમ કહેતાં હતાં કે આ ફિલ્મ દીપિકા માટે ખૂબ જ ખાશ હશે, કારણ કે આ ફિલ્મમાં ક્યારેક તેમના દિલની નજીક રહી ચુકેલ તેમના એક્સ બૉયફ્રેન્ડ રણબીર કપૂર છે, પરંતુ હવે દીપિકાએ આ ફિલ્મ અંગે બીજી અનેક વાતોણ પણ બતાવી છે.

દીપિકાએ તાજેતરમાં એક ઇન્ટરવ્યૂ દરમિયાન જણાવ્યું કે યે જવાની હૈ દીવાની એટલે કે વાયજેએચડી ફિલ્મમાં તેમનો રોલ તેમના હૃદયની ખૂબ નજીક છે, કારણ કે આ પાત્ર બિલ્કુલ એવું જ છે કે જેવાં તેઓ રીયલ લાઇફમાં છે. દીપિકાએ આ કૅરેક્ટરને પોતાના કૉકટેલ ફિલ્મના કૅરેક્ટર વેરોનિકા સાથે કમ્પૅર કરતાં જણાવ્યું કે વેરોનિકા તેનાથી એકદમ અલગ છે. તેમણે જણાવ્યું - હકીકતમાં યે જવાની હૈ દીવાની ફિલ્મ રીલ લાઇફમાં હું જેવી છું, તેવી જ મને બતાવશે. વેરોનિકા જેવી હું નથી. હકીકતમાં હું વેરોનિકાના કૅરેક્ટર કરતાં બિલ્કુલ અલગ છું.

દીપકા પાદુકોણની પોતાના બૉયફ્રેન્ડ સાથે આ બીજી ફિલ્મ હશે. બંનેની પ્રથમ ફિલ્મ હતી બચના ઐ હસીનો હતી. થોડાંક દિવસ અગાઉ સમાચાર આવ્યા હતાં કે યે જવાની હૈ દીવાની ફિલ્મમાંથી દીપિકાને કાઢી અનુષ્કા શર્માને લેવા અંગે વિચારાઈ રહ્યુ હતું, પરંતુ હવે જ્યારે ફિલ્મનો ફર્સ્ટ લુક સામે આવી ગયો છે અને તેમાં દીપિકા જ નજરે પડે છે. હાલ તો દીપિકા ભલે કોઈ પણ કારણ આપે, પરંતુ આપણે સમજી શકીએ કે આ ફિલ્મ દીપિકાના હૃદયની નજીક કેમ છે?

English summary

Deepika Padukone feels that her upcoming movie Yeh Jawaani Hai Deewani is very close to her heart. Everyone initially thought that the reason behind this might be because of Dippy's ex-boyfriend Ranbir Kapoor's presence in the movie. But here are some other reason.