બિગ બૉસમાં પ્રથમ વાર ડિવોર્સી જોડી

Published: Tuesday, October 9, 2012, 11:51 [IST]

મુંબઈ, 9 ઑક્ટોબર : ગત રવિવારે બિગ બૉસ સીઝન 6ની જોરદાર શરુઆત થઈ છે. અમે આપને આ સીઝનના પ્રતિસ્પર્ધીઓ અંગે જણાવી ચુક્યાં છે, પરંતુ બિગ બૉસની આ વખતની સીઝનમાં અનોખી વાત થઈ છે. બિગ બૉસના ઇતિહાસમાં પ્રથમ વાર એવું બન્યું છે કે એક ડિવોર્સી જોડી પણ આ ગેમશોનો ભાગ બની છે.

અમે વાત કરી રહ્યાં છીએ ડેલનાઝ પૉલ અને રાજીવ પૉલ વિશે કે જેઓ ક્યારેક દો જિસ્મ ઔર એક જાન તરીકે ઓળખાતા હતાં, પરંતુ આજે એક-બીજાના જીવનમાં અજનબી બની રહી ગયાં છે.

કદાચ ડેલનાઝ અને રાજીવ બંનેને ખબર નહોતી કે તેઓ બંને જ આ શોના પ્રતિભાગી છે. તેથી ડેલનાઝ પૉલે બિગ હાઉસમાં જેવો જ રાજીવને જોયો કે તે એકદમ આશ્ચર્યચકિત થઈ ગઈ, પરંતુ બંનેએ જ એક-બીજાને જોને કોઈ પણ પ્રકારનું રિએક્શન ન આપ્યું.

પરંતુ બિગ બૉસ હાઉસ ત્રણ માસ ચાલશે. આ દરમિયાન શક્ય છે કે ડેલનાઝ અને રાજીવ વચ્ચેનો અંતર પણ પરસ્પર સંકોચાય અને ફરીથી બંને એક-બીજાની મોહબ્બતમાં ખોવાઈ જાય. આપને જાવી દઇએ કે બિગ બૉસ 2 દરમિયાન ડેલનાઝના ભાઈ બખ્તિયાર ઈરાનીએ પણ પોતાના પત્ની તનાઝ ઈરાની સાથે બિગ હાઉસ શૅર કર્યુ હતું.

Published On October 9, 2012