બિગ બૉસ વર્સિસ કેબીસી કે સલમાન વર્સિસ બિગ બી?
મુંબઈ, 8 ઑક્ટોબર : રવિવારે બિગ બૉસ સીઝન 6ની જોરદાર શરુઆત થઈ છે. ફરી એક વાર ટીઆરપી ચાર્ટે બિગ બૉસ 6નો ઓપનિંગ શો બહુ જ ઊંચો છે અને તેની ટીઆરપી કૌન બનેગા કરોડપતિ (કેબીસી)ના ઓપનિંગ ડે કરતાં વધારે નોંધાઈ છે. તેને પગલે ફરી એક વાર સલમાન વર્સિસ અમિતાભ અંગે ચર્ચા છેડાઈ ગઈ છે. જોકે અત્યાર સુધી શોની વાત કરીએ તો અમિતાભનો કેબીસી સલમાનના બિગ બૉસ ઉપર ભારે જ પડ્યો છે.
પરંતુ વ્યક્તિત્વની વાત કરીએ તો સલમાન ખાને અમિતાભ બચ્ચનને હાલ તો પાછા પાડી દીધાં છે. ફેસબુકમાં પણ સલમાન પાસે અમિતાભ કરતાં વધુ લાઇક છે અને ટેલીવિઝનની દુનિયામાં સલમાન ખાન સૌથી મોંઘા કલાકાર છે.
સલમાન ખાન બિગ બૉસ સીઝન 6માં દરેક એપિસોડના 3 કરોડ 80 લાખથી 4 કરોડ રુપિયાની રકમ લઈ રહ્યાં છે, તો બીજી બાજું અમિતાભ બચ્ચને કેબીસી માટે 100 કરોડની ડીલ કરી છે. જેથી અત્યાર સુધી સલમાન ખાને અમિતાભને માત આપી જ છે. પરંતુ કેબીસીએ બિગ બૉસને કાયમ પાછળ જ રાખ્યું છે. હવે એ જોવું રસપ્રદ રહેશે કે આ વખતની સીઝન કઈ કમાલ કરે છે?
Click it and Unblock the Notifications
Sign in with Google
