Pics : સંધ્યાજી ઉર્ફે દીપિકા અને રોહિતની શાનદાર સંગીત સેરેમની

Published: Friday, May 2, 2014, 14:33 [IST]

મુંબઈ, 2 મે : સ્ટાર પ્લસની લોકપ્રિય સીરિયલ દીયા ઔર બાતી હમના જાણીતા ટેલીવિઝન અભિનેત્રી દીપિકા સિંહ ઉર્ફે સંધ્યાજી દિગ્દર્શક રોહિત રાજ ગોયલ સાથે લગ્ન કરવા જઈ રહ્યાં છે. દીપિકા-રોહિતના આજે લગ્ન થવાનાં છે. લગ્ન અગાઉ ગત 30મી એપ્રિલે દીપિકા-રોહિતની જોરદાર સંગીત સેરેમની યોજાઈ.

સંગીત સેરેમની પ્રસંગે દીયા ઔર બાતી હમ સીરિયલની લગભગ આખી સ્ટારકાસ્ટ હાજર હતી. દીપિકાને અભિનંદન આપવા માટે નીલૂ વાઘેલા (ભાભો), કનિકા માહેશ્વરી (મિનાક્ષી), અરુણ લોખંડે, નીલ ભટ્ટ ઉપરાંત અનેક ક્રૂ મેમ્બર્સ સંગીત સેરેમનીમાં પહોંચ્યા હતાં. સંધ્યાજીએ પણ સંગીતા સેરેમની દરમિયાન રોહિત તથા અન્યો સાથે મનમૂકીને ડાન્સ કર્યો.

24 વર્ષીય દીપિકા સિંહનો જન્મ 26મી જુલાઈ, 1989ના રોજ નવી દિલ્હી ખાતે થયો હતો. તેમણે પંજાબ ટેક્નિકલ યુનિવર્સિટીમાંથી બિજનેશ એડમિનિસ્ટ્રેશનમાં માસ્ટર ડિગ્રી (એમબીએ) હાસલ કરી છે અને કૅરિયર તરીકે એક્ટિંગની પસંદગી કરી હતી. દીયા ઔર બાતી હમ તેમના એક્ટિંગ કૅરિયરનો પહેલો શો છે કે જે 2011માં શરૂ થયો હતો અને લોકપ્રિયતાની રેસમાં સૌથી આગળ છે.

ચાલો જોઇએ દીપિકા-રોહિતની સંગીત સેરેમનીની તસવીરી ઝલક :