Pics : આગળ વધશે ગૌહર-કુશાલની પ્રેમ કહાણી!

Published: Saturday, January 18, 2014, 14:39 [IST]

મુંબઈ, 18 જાન્યુઆરી : બિગ બૉસ 7માં એક-બીજા પ્રત્યે પ્રેમનો ઇકરાર કરનાર કુશાલ ટંડન તથા ગૌહર ખાન પોતાની આ પ્રણય સફરને આગળ વધાવવા માંગે છે અને તેથી જ તેઓ હવે પુનઃ એક રિયલિટી શોમાં સાથે દેખાવાના છે. હા જી, કુશાલ-ગૌહર હવે ખતરોં કે ખિલાડી સીઝન 5માં સાથે દેખાઈ શકે છે.

કલર્સ ચૅનલ ઉપર ખતરોં કે ખિલાડી રિયલિટી શો ટુંકમાં જ શરૂ થનાર છે અને ચૅનલે આ અંગે ગૌહર સાથે વાતચીત ચાલુ કરી છે. ગૌહર તરફથી અત્યાર સુધી હકારાત્મક સંકેતો મળ્યાં છે. ચૅનલ સાથે સંકળાયેલા સૂત્રે જણાવ્યું - ગૌહર ખાન સાથે વિવિધ કક્ષાએ વાતચીત ચાલી રહી છે અને તેઓ આ ઑફર સ્વીકારવા અંગે ઉત્સુક છે.

નોંધનીય છે કે ગૌહર ખાન અને કુશાલ ટંડનની મુલાકાત બિગ બૉસ 7 રિયલિટી શોમાં થઈ હતી. આ શોમાં વિજેતા ગૌહર બન્યા હતાં. બિગ બૉસમાંથી બહાર આવ્યા બાદ ગૌહર ખાન કુશાલ ટંડન સાથે ગોવા ઉપડી ગયા હતાં કે જ્યાં બંનેએ મસ્તીભરી ન્યુ ઈયર ઉજવણી કરી હતી.

કલર્સના શો ખતરોં કે ખિલાડીને અગાઉ અક્ષય કુમાર તથા પ્રિયંકા ચોપરા હોસ્ટ કરતા હતાં, પરંતુ 5મી સીઝન માટે હોસ્ટ તરીકે રોહિત શેટ્ટીની પસંદગી કરવામાં આવી છે. શોમાં કુલ્લે 14 સેલિબ્રીટીઓ ભાગ લેશે. આ શો માર્ચ કે એપ્રિલ માસમાં પ્રસારિત થવાની શક્યતા છે.

ચાલો હાલ તો જોઇએ ગૌહર-કુશાલની તસવીરી ઝલક :