Pics : ખતરોં કે ખિલાડીમાંથી કુશાલ આઉટ, એજાઝની એન્ટ્રી સામે ગૌહર લાલધુમ

Updated: Monday, July 14, 2014, 18:42 [IST]

મુંબઈ, 18 ફેબ્રુઆરી : વિવાદાસ્પદ રિયલિટી શો બિગ બૉસ 7 દ્વારા ચર્ચામાં આવનાર ટેલીવિઝન કલાકારો કુશાલ ટંડન તથા ગૌહર ખાન ફરી વાર ચર્ચામાં છે. હકીકતમાં ખભાની ઈજાના કારણે કુશાલ ટંડન ખતરોં કે ખિલાડી શોમાંથી આઉટ થઈ ગયાં છે, તો બીજી બાજુ ગૌહરે પણ શો છોડવાની ધમકી આપી દીધી છે.

જોકે આ વખતે ગૌહર ખાન કુશાલ માટે નહીં, પણ એજાઝ ખાનના કારણે શો છોડી રહ્યાં છે. સૂત્રોનું કહેવું છે કે કુશાલ આઉટ થતાં તેમના સ્થાને એજાઝ ખાનની એન્ટ્રી થઈ શકે છે. તેવામાં ગૌહરે ધમકી આપી છે કે જો શોમાં એજાઝની એન્ટ્રી થાય, તો તેઓ શો છોડી દેશે.

નોંધનીય છે કે એજાઝ ખાન, કુશાલ ટંડન અને ગૌહર ખાન બિગ બૉસ 7 દરમિયાન પ્રણય-ત્રિકોણના કારણે ચર્ચામાં રહ્યા હતાં. બિગ બૉસીમાંથી જાણવા મળ્યુ હતું કે કથિત લવ બર્ડ્સ કુશાલ અને ગૌહર વચ્ચે ગેરસમજ પેદા કરવાનો એજાઝે પ્રયત્ન કર્યો હતો. બિગ બૉસમાં અનેક વખત એજાઝ-ગૌહર વચ્ચે ઝગડા પણ થયા હતાં.

ચાલો હાલ તો જોઇએ દક્ષિણ આફ્રિકમાં ચાલતા ખતરોં કે ખિલાડીના શૂટિંગ અને ગૌહર-કુશાલની મસ્તીની તસવીરી ઝલક :