‘ઝાંસી કી રાની’ કૃતિકા સાથે પરણશે ‘થંગબલી’ નિકિતિન : જુઓ લગ્ન પૂર્વેની પાર્ટી

Published: Monday, August 25, 2014, 12:25 [IST]

મુંબઈ, 25 ઑગસ્ટ : ખતરોં કે ખિલાડી 5ના ફાઇનલિસ્ટ નિકિતિન ધીર અને ટેલીવિઝન અભિનેત્રી કૃતિકા સેંગરે તાજેતરમાં જ લગ્ન પૂર્વેની એક પાર્ટીનું આયોજન કર્યુ કે જેમાં પરિવારજનો અને મિત્રો હાજર હતાં. આ યુગલ ટુંકમાં જ લગ્ન કરવાનું છે. કહે છે કે નિકિતિન-કૃતિકા 3જી સપ્ટેમ્બરે મુંબઈ ખાતે પરણી જશે.

નિકિતિન ધીર શાહરુખ ખાન અભિનીત ચેન્નઈ એક્સપ્રેસ ફિલ્મમાં થંગબલીનો રોલ કર્યા બાદ લાઇમલાઇટમાં આવ્યા હતાં, તો સુંદર ટેલીવિઝન અભિનેત્રી કૃતિકા સેંગર ઝાંસી કી રાની તથા પુનર્વિવાહ જેવા શો માટે જાણીતા છે. નિકિતિન-કૃતિકાના આ લગ્ન ઍરેંજ-સહ-લવ મૅરેજ હશે.

કૃતિકા સેંગરે એક લીડિંગ વેબસાઇટ સાથે વાતચીતમાં જણાવ્યું - આ એક ઍરેંજ્ડ-કમ-લવ મૅરેજ છે. હું નિકિતિનના પિતા પંકજ ધીરની દિગ્દર્શક તરીકેની પ્રથમ ફિલ્મ માય ફાધર ગૉડ ફાધર માટે શૂટિંગ કરતી હતી. નિકિતિનના પિતાએ તે જ વખતે નિકિતિનના માંગા માટે મારા વાલીઓ સાથે વાત કરી. તે પછી હું અને નિકિતિન મળ્યાં. હું પંકજ અંકલ અને નિકિતિન સાથે સાચે બંધાઈ ગઈ અને અમે બંને પણ એક-બીજાને પસંદ કરવા લાગ્યાં. અત્યાર સુધી લગ્નની તારીખ નક્કી નથી થઈ, પણ જો બધુ સમસુથરૂ પાર પડે, તો 3જી સપ્ટેમ્બર, 2014ના રોજ અમે પરણી જઇશું.

કૃતિકા પોતાના જીવનમાં નિકિતિનને આશીર્વાદ તરીકે જુએ છે. તેમણે જણાવ્યું - નિકિતિન ઇઝ ઍ પ્યોર સાઉલ. તેમની અંદરની પારદર્શિતા ખૂબ જ વિઝિબલ છે. હું નિકિતિનના પરિવાર જેવો જ પરિવાર ઇચ્છતી હતી અને હું તેને આશીર્વાદ માનુ છું. હું ખૂબ ઉત્સાહિત છું. પુનર્વિવાહ કે બાદ અબ સચ મેં મેરા પહલા વિવાહ હોગા.