બિગ બૉસમાં હવે બચી છે માત્ર ગાંડાઓની ફોજ !
મુંબઈ, 18 ડિસેમ્બર : ટેલીવિઝન ચૅનલ કલર્સના સૌથી ચર્ચિત શો બિગ બૉસના ઘરમાં હવે માત્ર ગાંડાઓની ફોજ બચી છે. અરે રે... ગાંડાઓ? આપ વિચારતાં હશો કે અમે કોઇક સેલિબ્રિટીને ગાંડા કઈ રીતે કહી શકીએ? તો સૌપ્રથમ આપને જણાવી દઇએ કે અમે કોઈ પણ સેલિબ્રિટી ઉપર અંગત પ્રહાર નથી કરી રહ્યાં. અમે તો એ જ બતાવી રહ્યાં છીએ કે જે બિગ બૉસમાં બતાવાઈ રહ્યું છે.
આપણે એક-એક કરી ચર્ચા કરીએ, તો આ યાદીમાં સૌથી પહેલું નામ આવે છે ઇમામ સિદ્દીકીનું. ઇમામ સાહેબ સવારે ઉઠતાં જ એક જ રટણ કરતાં રહે છે - હમણાં તારી ક્લાસ લઉ છું. આખી દુનિયા સામે જ્યારે તારી ક્લાસ લઇશ, ત્યારે સમજાશે. જ્યારે નેશનલ ટેલીવિઝનમાં દુનિયાની સામે તારી ક્લાશ લઇશ ને, ત્યારે તને સમજાશે...
ઇમામ આ શબ્દો માત્ર નિકેતન માટે નહીં, પણ તેવી દરેક વ્યક્તિ માટે વાપરે છે કે જે તેમને છંછેડે છે. લોકોનું મનોરંજન કરવા ઇમામને શોમાં બીજી વાર લાવવામાં આવ્યાં, પરંતુ હવે તેઓ મનોરંજન ઓછું અને માથાનો દુઃખાવો વધુ બનતા જાય છે.
સોમવારના એપિસોડમાં તો કંઇ પણ મનોરંજક દેખાયું નહીં. બિગ બૉસે ચોર-પોલીસ અને સામાન્ય વ્યક્તિની ગેમ રાખી. તેમાં રુપિયા ચોરવાની અને જેલમાં બંધ કરવાની ગેમ હતી. આ ગેમમાં રાજીવ પોતાને ચુલબુલ પાન્ડેથી ઓછા નહોતા સમજતાં, તો સના તો ચુલબુલ જ બની ગયાં. આ રમત જોયા બાદ સ્પષ્ટ દેખાઈ આવતું હતું કે મૅચ પૂરી રીતે ફિક્સ છે. ઇમામે વૉશબેસિન નીચે જે સ્થાને પૈસા છુપાવ્યાં, ત્યા સના સરળતાથી ગયાં અને પૈસા કાઢી લીધાં. સનાની બૉડી લૅંગ્વેજથી સ્પષ્ટ દેખાતું હતું કે બિગ બૉસની ટીમે તેમને બતાવી રાખ્યું છે કે પૈસા ક્યાં મુક્યાં છે.
આ લિસ્ટમાં એક નામ તો ભુલી જ ન શકાય. તે છે સપના. જ્યારે હસવાનો વારો આવે છે, તો તેમની ઉછળી-ઉછળીને હસવાની રીત કોઈ ગાંડા કરતાં ઓછી નથી હોતી. શરુઆતમાં તો તેમની આ હસીમાં મનોરંજન દેખાતુ હતું, પરંતુ હવે કંટાળો આવે છે અને ગુસ્સો પણ. ખેર સરવાળે જોઇએ તો બિગ બૉસના અંતિમ તબક્કે રોમાંચ વધવાના સ્થાને કંટાળો વધી રહ્યો છે. હવે જોઇએ કે આ કંટાળો ક્યાં સુધી રહે છે.
Click it and Unblock the Notifications
Sign in with Google
