#Trailer: આવી રહ્યો છે આપણો પહેલો સુપર હીરો શક્તિમાન...

90 ના દાયકામાં દૂરદર્શન પર આવવાવાળી સિરિયલ શક્તિમાન હવે ફરી એકવાર આવી રહી છે. બાળકો સાથે સાથે મોટાઓ પણ આ સિરિયલને ખુબ જ પસંદ કરતા હતા. જ્યારથી શક્તિમાનના બીજા સીઝનની વાત આવી છે ત્યારથી ફેન્સ રાહ જોઈને બેઠા છે.

શક્તિમાનના ફેન્સએ તો તેનું ટ્રેલર પણ બનાવ્યું છે. આ ટ્રેલર યૂટ્યૂબ પર તમે જોઈ શકો છો. આ ટ્રેલરમાં તમે ફેન્સની શક્તિમાન પ્રત્યેની દીવાનગી જોઈ શકો છો. આ વીડિયો ખુબ જ ઝડપથી વાયરલ થઇ રહ્યો છે.

શક્તિમાનને લઈને મુકેશ ખન્નાનું કહેવું છે કે નવી સીઝનમાં શક્તિમાનની અસાધારણ શક્તિઓ મેળવવાની સફર બતાવવામાં આવશે. તેમને જણાવ્યું છે નવી સીઝન ત્યાંથી જ શરૂ થશે જ્યાંથી પહેલી સીઝન પુરી થઇ હતી.

મુકેશ ખન્નાએ જણાવ્યું કે આ સીઝનમાં શક્તિમાનનું બાળપણ પણ બતાવવામાં આવશે. જેમાં તેને 7 ગુરુઓ પાસેથી શિક્ષા લઈને તેના સુપરહીરો બનવાની આખી પ્રક્રિયા પણ બતાવવામાં આવશે. મુકેશ ખન્ના ફરી એકવાર શક્તિમાનનો રોલ નિભાવવા જઈ રહ્યા છે. તેમને લગભગ 8 કિલો વજન પણ ઓછું કર્યું છે.

English summary

See The fan made trailer shaktimaan