Drugs seized in Ahmedabad : ડ્રગ્સના ભોરિંગની ઝપેટમાં ગુજરાત, ફરીથી અધધ 3.45 કરોડની કિંમતનું ડ્રગ્સ ઝડપાયુ
Drugs seized in Ahmedabad : ગુજરાતમાં ધીરે ધીરે નશાનો ભોરિંગ તેની ફણ ફેલાવી રહ્યો હોય તેમ ડ્રગ્સની જાળ ફેલાઈ રહી છે. અમદાવાદની ક્રાઇમ બ્રાન્ચે વધુ એક વખત કરોડોની કિંમતનું ડ્રગ્સ ઝડપ્યું છે.
અહેવાલો અનુસાર, અમદાવાદની શહેરી ફોરેન પોસ્ટલ ઓફિસમાંથી 3.45 કરોડ રૂપિયાનું ડ્રગ્સ ઝડપાતા ઘણા સવાલો ઉભા થયા છે.
આ ડ્રગ્સ કેનેડા, થાઈલેન્ડ અને યુએસએમાંથી મંગાવવામાં આવ્યું હતું. પોલીસ તપાસ કરી રહી છે કે આ નશીલો જથ્થો કોણે મંગાવ્યો અને કોના માટે લાવવામાં આવ્યો?
આ સિવાય ઇન્વેસ્ટિગેશનની દિશામાં અન્ય પાર્સલો પર પણ શંકા ઉઠી છે. સવાલો ઉભા થઈ રહ્યાં છે કે શું શહેરમાં વધુ ડ્રગ્સના કિસ્સા સામે આવી શકે?
ગુજરાતમાં છેલ્લા થોડા સમયથી ડ્રગ્સના મોટા જથ્થા ઝડપાઈ રહ્યા છે. સરકાર અને સુરક્ષા એજન્સીઓએ આવા ગેરકાયદેસર પ્રવૃત્તિઓ સામે સખત કાર્યવાહી કરવાની જરૂર છે. યુવાનોમાં નશાનું નુકસાન અટકાવવા માટે સજાગતા અને કડક કાયદા અમલમાં મૂકવા પડશે.
પોલીસે ગુનો નોંધીને આગળની તપાસ શરૂ કરી છે. આવનારા દિવસોમાં વધુ મોટા ખુલાસાઓ થઈ શકે છે.
જણાવી દઈએ કે ગુજરાતમાં ડ્રગ્સ ઝડપાયુ હોય તેવી આ પહેલી ઘટના નથી. છેલ્લા કેટલાક વર્ષોમાં ગુજરાતમાંથી હજારો કરોડ રૂપિયાનું ડ્રગ્સ ઝડપાઈ ચુક્યુ છે. ગુજરાતમાં છેલ્લા ઘણા સમયથી દરિયાઈ માર્ગે હજારો કરોડનું ડ્રગ્સ આવી રહ્યું છે પરંતુ હવે જે રીતે પોસ્ટ ઓફિસમાંથી ડ્રગ્સ ઝડપાયુ છે તેને ઘણા સવાલ ઉભા કર્યા છે.
Click it and Unblock the Notifications
Sign in with Google
