શિવરંજની હીટ એન્ડ રન કેસમાં અજાણ્યા ખાખીધારી વ્યક્તિની સંડોવણી, પોલીસ આ દીશામાં કરશે તપાસ

અમદાવાદના શિવરંજની હિટ એન્ડ રન કેસમાં આરોપી પર્વ શાહને જેલ હવાલે કરવામાં આવ્યો છે. પર્વ શાહના રિમાન્ડ પૂર્ણ થતા પોલીસે વધુ રિમાન્ડની માગ કરી નથી. જેથી તેને જ્યુડિશિયલ કસ્ટડીમાં મોકલી આપવા કોર્ટે હુકમ કર્યો. બુધવારે કોર્ટે પર્વ શાહના એક દિવસના રિમાન્ડ મંજુર કર્યા હતાં. પોલીસે અત્યાર સુધીમાં કેટલાંક લોકોના નિવેદન નોંધ્યા છે.

હવે આ હીટ એન્ડ રન કેસમાં નવો ખુલાસો થતા આ ઘટનામાં નવો વળાંક આવ્યો છે. આ ખુલાસો અકસ્માત સર્જ્યો એ કારચાલક પર્વ શાહ સિવાયના બીજા કારચાલક ધીર પટેલે કર્યો છે. ધીર પટેલે કરેલા આ ચોંકાવનારા ખુલાસા મુજબ આ ઘટનામાં આ બંને કારચાલક સિવાય ત્રીજા વ્યક્તિ તરીકે એક અજાણ્યા ખાખીધરી વ્યક્તિની સંડોવણી સામે આવી છે.

શિવરંજની હીટ એન્ડ રનની ઘટનામાં બે કારચાલક ઉપરાંત ત્રીજા ખાખીધારી અજાણ્યા વ્યક્તિની સંડોવણી સામે આવતા ચકચાર મચી છે. એ ખાખીધરી અજાણી વ્યક્તિ કોણ હતી એ સૌથી મોટો પ્રશ્ન સામે આવીને ઉભો રહી ગયો છે. અકસ્માત કરનાર પર્વ શાહની ગાડીનો પીછો કરનાર ધીર પટેલે ખાખી ડ્રેસમા કોઈ પોલીસ કર્મચારીએ પીછો કરવાનું કહ્યું હોવાનુ નિવેદન આપ્યુ છે. આ નિવેદનને લઈને પોલીસે આ ખાખીધારી કોણ છે તેને લઈને પોલીસે સીસીટીવી ફુટેજના આધારે તપાસ શરૂ કરી છે.

English summary

Involvement of an unknown khakhidhari person in Shivaranj's hit and run case