ગુજરાત આદિવાસી સત્યાગ્રહ આંદોલનના પગલે ગાંધીનગરમાં ચુસ્ત પોલિસ બંદોબસ્ત

ગુજરાત આદિવાસી સત્યાગ્રહ આંદોલનના પગલે ગાંધીનગરમાં ચુસ્ત પોલિસ બંદોબસ્ત ગોઠવી દેવામાં આવ્યો છે.

અમદાવાદઃ એક તરફ વિધાનસભાનુ બજેટ સત્ર તેના અંતિમ તબક્કામાં છે ત્યારે વિરોધ પક્ષ કોંગ્રેસ આદિવાસી સંમેલન ભરીને વિરોધનો વંટોલ ઉભુ કરવા જઈ રહ્યુ છે. દક્ષિણ ગુજરાતમાં આદિવાસી ભાઈઓની જમીન સરકારે વિવિધ પ્રોજેક્ટ હેઠળ નેમ કરી લીધી છે જેની સામે આ સમાજને પૂરતુ વળતર પણ મળ્યુ નથી ત્યારે તેમને ન્યાય અપાવવા માટે કોંગ્રેસે સંમેલન રાખ્યુ છે જેને લઈને પોલિસ એલર્ટ થઈ ગઈ છે.

મહિલા દિને ગુજરાતમાં મહિલા પર થથા અત્યાચારોને લઈને મહિલા કોંગ્રેસ ગાંધીનગરમાં ધરણાં કરીને વિધાનસભાવો ઘેરાવો કરવા જઈ રહી ગતી ત્યારે પોલિસ સાથે ઘર્ષણનો બનાવ બન્યો હતો અને તેના પડઘા વિધાનસભામાં પણ પડ્યા હતા ત્યારે હવે કોંગ્રેસ આદિવાસીઓને થતા અન્યાય સામે વિરોધ કરવા સામે આવ્યુ છે. ગાંધીનગર સત્યાગ્રહણ છાવણી ખાતે કોંગ્રેસ દ્વારા આદિવાસી સત્યાગ્રનો કાર્યક્રમ રાખવામાં આવ્યો છે.

જેમાં દક્ષિણ ગુજરાતમાં સરકાર દ્વારા આદિવાસી ભાઈઓની જમીન વિવિધ પ્રોજેક્ટ હેઠળ નેમ કરવામાં આવી છે જેની સામે પૂરતુ વળતર પણ આપવામાં આવ્યુ નથી તે મુદ્દો છેડવામાં આવશે. આ ઉપરાંત આદિવાસી સમાજના અન્ય પ્રાણ પ્રશ્નો સામે ઉપેક્ષાભાવ પ્રગટ કર્યો છે તેનો પણ વિરોધ કરવામાં આવશે. મોટી સંખ્યામાં કોંગ્રેસી આદિવાસી ભાઈએ અહીં ઉપસ્થિત રહેવાના હોવાતી વિધાનસભા સત્ર હાલમાં ચાલુ હોવાના કારણે પોલિસ પણ એલર્ટ થઈ ગઈ છે. કોંગ્રેસ વિધાનસભાનો ઘેરાવો ન કરે તે માટે થોડા થોડા અંતરે બેરીકેડ્ઝ મૂકી દેવામાં આવ્યા છે. આ ઉપરાંત ગાંધીનગરમાં આવતા વાહનોનુ પણ ચેકિંગ કરવામાં આવશે. મહિલા પોલિસ પણ બંદોબસ્ત માટે આ વખતે વધુ બોલાવવામાં આવી છે.

English summary

Tight security in Gandhinagar for Gujarat Adivasi Satyagraha movement