અ'વાદના વાતાવરણમાં ઠંડક, બનાસકાંઠામાં કરા સાથે વરસાદ

Updated: Saturday, April 11, 2015, 16:07 [IST]

રોજે રોજ આપણા ગુજરાતમાં અઢળક ઘટનાઓ ઘટતી હોય છે, પરંતુ સમયના અભાવે આપણે દરેક સમાચારો પર નજર કરી શકતા નથી. ઘણા બધા એવા મહત્વના સ્થાનિક સમાચારો આપણે ચૂકી જતા હોઇએ છીએ. પરંતુ અમે આપને અહીં પળેપળના સ્થાનિક સમાચારોથી અપડેટ રાખીશું, અને એ પણ તસવીરો સાથે.

આપ આ પેજ પર ગુજરાતના દરેક મહત્વના સમાચારોને તસવીરો સાથે જોઇ અને વાંચી શકશો. ગુજરાતના ખૂણે ખૂણે બનતી ઘટનાઓ અને પળેપળના સમાચારોથી તમને રાખીશું અમે અપડેટ.

ગુજરાતના દરેક મહત્વના સમાચારોથી અપડેટ રહેવા માટે આ પેજને રિફ્રેસ કરતા રહો...

અમદાવાદના વેપારીની લૂંટ

અજાણ્યા બાઇકસવારોએ અલ્ટો કારને રોકી રૂપિયા 1.50 લાખની લૂંટ કરી ફરાર. કડીના રિલાયન્સ પેટ્રોલ પંપ પાસેનો બનાવ. અમદાવાદના વેપારી પાસેથી લૂંટ.

કસ્ટમ વિભાગે સોનું ઝડપ્યું

અમદાવાદ એરપોર્ટ પરથી ઝડપાયું દાણચોરીનું સોનું. રૂપિયા 18.75 લાખની કિંમતનું 699 ગ્રામ સોનું ઝડપાયું.

મ્યુનિ. કોર્પો.ના કર્મચારીઓની હડતાળ સમેટાઇ

મ્યુનિ. કોર્પો.ના કર્મચારીઓની હડતાળ સમેટાઇ. ત્રણ દિવસથી ચાલતી હડતાળ બિનશરતી સમેટાઇ. એક અઠવાડિયા બાદ ફરી યોજાશે બેઠક.

ગિફ્ટ સિટીમાં વિદેશી કરન્સીમાં થશે નાણાકિય વ્યવહાર

ગિફ્ટ સિટી આંતરરાષ્ટ્રીય નાણાકિય સેવા કેન્દ્ર (IFSC) જાહેર કરાયું. આ સેન્ટરમાં રૂપિયાને બદલે વિદેશી કરન્સીમાં નાણાકિય વ્યવહાર કરી શકવાની જોગવાઇઓ છે.

સ્વામિનારાયણ મંદિરના મહંતનું અપહરણ કરી લૂંટ

સ્વામિનારાયણ પંથ અને ટ્રસ્ટ પોતાના આંતરિક વિખવાદોને કારણે અવારનવાર વિવાદોમાં આવ્યું છે. સિદ્ધપુરમાં આવેલા કાલુપુર નરનારાયણ દેવ તાબાના સ્વામિનારાયણ મંદિરના પુજારી ચંદ્રપ્રકાશસ્વામીનું શખ્શોએ અપહરણ કરીને કરોડોના ચેક પર સહીઓ કરાવી લીધી હતી. પરંતુ બંને શખ્શો પોલીસ શકંજામાં આવી ગયા હતા.