ગુજરાતમાં 12 લાખ નવા મતદારો ઉમેરાયા
આ અંગા માહિતી આપતા ગુજરાતના મુખ્ય ચૂંટણી અધિકારી અનિતા કરવાલે જણાવ્યું છે કે, ગુજરાતમાં નોંધાયેલા મતદારોની સંખ્યા 2012માં 3.78 કરોડ હતી જે હવે વધીને લગભગ 3.90 કરોડની થઇ છે. ભારતના ચૂંટણી પંચે ગુજરાતમાં 11મી ફેબ્રુઆરીથી 5મી એપ્રિલ સુધી મતદાર યાદીમાં સુધારણા-ઉમેરા અંગેનો એક કાર્યક્રમ યોજયો હતો.
તેમણે જણાવ્યુ હતુ કે, ગુજરાતમાં જે લોકોએ 1 જાન્યુઆરી, 2013 પહેલા 18 વર્ષ પુરા કર્યા હોય તેમના નામનો ઉમેરો મતદાર યાદીમાં કરવામાં આવ્યો છે. ચૂંટણી પંચના ડેટા અનુસાર ગુજરાતમાં સૌથી વધુ 2.44 લાખ નવા મતદારો એકલા અમદાવાદ જિલ્લામાં જ ઉમેરાયા છે. અમદાવાદ જિલ્લામાં વિધાનસભાની ચૂંટણી વખતે 45.14 લાખ મતદારો હતા જે હવે વધીને 47.58 લાખ મતદારો થયા છે. અમદાવાદ બાદ સુરતમાં 1.56 લાખ નવા મતદારો ઉમેરાયા છે. ડાયમંડ સીટી ગણાતા સુરતના મતદારોની સંખ્યા 33.97 લાખથી વધીને 35.53 લાખની થઇ છે.
સુત્રોના જણાવ્યા પ્રમાણે ગુજરાતના અન્ય જિલ્લાઓમાં 20,000થી 40,000 જેટલા નવા મતદારોનો ઉમેરો થયો છે. ડાંગમાં ગત ચૂંટણી વખતે 1.44 લાખ મતદારો હતા જેમાં 3,000 મતદારોનો ઉમેરો થતા મતદારોની સંખ્યા 1.47 લાખની થઇ છે. તાપીમાં 8,000 નવા મતદારો ઉમેરાયા છે અને કુલ મતદારોની સંખ્યા 4.20 લાખથી વધીને 4.28 લાખ થઇ છે. નર્મદા જિલ્લામાં પણ 8,000 નવા મતદારો ઉમેરાયા છે.
Click it and Unblock the Notifications
Sign in with Google
