21 March: ગુજરાતના મુખ્ય સમાચારો પર એક નજર

Updated: Saturday, March 21, 2015, 20:53 [IST]

રોજે રોજ આપણા ગુજરાતમાં અઢળક ઘટનાઓ ઘટતી હોય છે, પરંતુ સમયના અભાવે આપણે દરેક સમાચારો પર નજર કરી શકતા નથી. ઘણા બધા એવા મહત્વના સ્થાનિક સમાચારો આપણે ચૂકી જતા હોઇએ છીએ. પરંતુ અમે આપને અહીં પળેપળના સ્થાનિક સમાચારોથી અપડેટ રાખીશું, અને એ પણ તસવીરો સાથે.

આપ આ પેજ પર ગુજરાતના દરેક મહત્વના સમાચારોને તસવીરો સાથે જોઇ અને વાંચી શકશો. ગુજરાતના ખૂણે ખૂણે બનતી ઘટનાઓ અને પળેપળના સમાચારોથી તમને રાખીશું અમે અપડેટ.

ગુજરાતના દરેક મહત્વના સમાચારોથી અપડેટ રહેવા માટે આ પેજને રિફ્રેસ કરતા રહો...

માતા બની વેરણ

રાજકોટમાં કિશોરની લાશ બેગમાંથી મળી આવી, હકિકત એ છે કે માતાએ જ પોતાના પુત્રને મોતને ઘાટ ઉતારી દીધો, કારણ કે તેને તેની પર ચોરીની શંકા હતી.

અમરેલી/અમદાવાદ

અમરેલીમાં સ્વાઇન ફ્લુનો કેસ નહીં નોંધાતા આરોગ્ય ખાતામાં રાહત જ્યારે સિવિલ હોસ્પિટલમાં એક સ્વાઇન ફ્લુનો કેસ નોંધાયો.

જુનાગઢ

જુનાગઢમાં ફ્રીઝના ગોડાઉનમાં આગ લાગી હતી. જેને બુઝાવવા માટે બે ફાયર ફાયટરની મદદ લેવામાં આવી હતી. આગ પર કાબુ મેળવી લેવાયો છે, જોકે આ આગમાં કોઇ જાનહાની થઇ નથી.

અમદાવાદ

ક્રિકેટ સટ્ટો 4000 કરોડ સુધી પહોંચ્યો, ટોમી પટેલ અને સિદ્ધાર્થ ત્રિવેદી સહિત અન્ય બુકીઓની ધરપકડ. સટ્ટાબાજીના તાર મુંબઇ, રાજસ્થાન સુધી જોડાયા. હજી મોટા માથા બહાર આવવાની સંભાવના.