ચૂંટણી પંચે જણાવ્યું પ્રથમ તબક્કામાં 68 % થયું મતદાન

ગુજરાત વિધાનસભાની ચૂંટણીમાં પહેલા તબક્કામાં 68 ટકા મતદાન થયું છે તેવું ચૂંટણી કમિશ્નરે જણાવ્યું છે. વધુ જાણો આ પ્રેસવાર્તા વિષે.

ગુજરાત વિધાનસભાની 2017ની ચૂંટણીનું પ્રથમ તબક્કાનું મતદાન આજે પૂર્ણ થયું છે. જે બાદ ચૂંટણી કમિશ્નરે પ્રેસવાર્તા કરીને જણાવ્યું કે ગુજરાતમાં પહેલા તબક્કામાં 68 ટકા મતદાન થયું. સાથે જ કમિશ્નર ખુશી જતાવીકે આ શાંતિપૂર્ણ રીતે આ વખતનું ગુજરાતનું મતદાન પૂર્ણ થયું છે. નોંધનીય છે કે વર્ષ 2012માં કુલ મતદાન 70 ટકા થયું હતું. તે મુજબ આ વખતે પ્રથમ તબક્કામાં મતદાન ઓછું થયું છે. ઇવીએમ મશીનોની ખરાબી પર ચર્ચાનો વિષય બની રહ્યો હતો. જો કે 5 વાગે મતદાન પૂર્ણ થઇ જવા છતાં નિયમ મુજબ 5 વાગે લાઇનમાં જે પણ લોકો ઊભા હોય તેટલા તમામને મતદાન કરવા દેવામાં આવે છે. આ કારણે પાંચ વાગ્યા પછી પણ અનેક સ્થળોએ મતદાન થઇ હતું. જો કે 6 વાગતા સુધીમાં ઇવીએમ મશીનો સીલ થવાની કામગીરી પણ શરૂ કરી દેવામાં આવી હતી.

સાથે જ ચૂંટણી પંચના કમિશ્નરે પોરબંદરના ઇવીએમ મશીનને બ્લુટૂથની અટેચ કરવા મામલે પણ સ્પષ્ટતા આપતા કહ્યું હતું કે તેમણે કહ્યું કે ઇવીએમમાં કોઇ રીસેપ્ટર્સ કે વાયરિંગ ફેસેલિટી નથી હોતી. તેથી જો આવી કોઇ રિપોર્ટ આવી હોય તો તે ખોટી છે. નોંધનીય છે કે આ ચૂંટણીમાં નવસારી 75, નર્મદા 73, તાપી 73 જેવું મતદાન થયું છે. તો દ્વારકામાં 63, ભાવનગર 62, કચ્છ 63 એમ ઓછું મતદાન થયેલું જોવા મળે છે.

There is no such connection of any Bluetooth or EVM. EVMs don't have receptors or wiring to facilitate that. So such reports are false.: Election Commission of India #GujaratElection2017 pic.twitter.com/LwpdQiGzVQ

— ANI (@ANI) December 9, 2017

English summary

68% voter turnout recorded in the first phase of Gujarat Election 2017.