• search
For Quick Alerts
ALLOW NOTIFICATIONS  
For Daily Alerts

'રમખાણ પીડિતોના નામે તિસ્તા ભરી રહી છે પોતાના ખિસ્સા'

|
tista setalvad
અમદાવાદ, 1 માર્ચ: ગુજરાતમાં 2002માં થયેલા કોમી રમખાણોના પીડિતોએ સામાજિક કાર્યકર્તા તિસ્તા સેતલવાડ પર એવો આરોપ લગાવ્યો છે કે તેમના નામ પર લાખો રૂપિયાનું ડોનેશન ભેગું કર્યું પરંતુ તેમને તેમાંથી એક કોડી પણ આપી નથી.

ગુલબર્ગ સોસાયટીના લોકોનું કહેવું છે કે તિસ્તાની એનજીઓએ તેમના કલ્યાણના નામે દુનિયાભરમાંથી લાખો રૂપિયાનું ડોનેશન મેળવ્યું. ગોધરાકાંડ બાદ 2002માં ગુજરાતમાં કોમી રમખાણો ફાટી નીકળ્યા હતા. દરમિયાન હુમલાખોરોના એક ટોળાએ ગુલબર્ગ સોસાયટીમાં રહેતા એક ખાસ સમુદાયને પોતાનો નિશાનો બનાવ્યા. જેમાં કોંગ્રેસી સાંસદ એહસાન ઝાફરી સહિત 69 લોકોના મોત થયા હતા.

આ સોસાયટીના લગભગ 12 લોકોએ એક સંયુક્ત નોટિસ તિસ્તા સેતલવાડની એનજીઓ સિટિજન્સ ફોર પીસ એન્ડ જસ્ટિસને મોકલી છે. સાર્વજનિક કરવામાં આવેલી આ નોટિસમાં કહેવાયું છે કે તેમને આરટીઆઇ અંતર્ગત માહિતી મળી છે કે તિસ્તાએ તેમના મકાનોના પૂન:નિર્માણ માટે અને સોસાયટીને મ્યુઝિયમ રૂપે વિકસાવવા દેશ અને વિદેશમાંથી મોટી સંખ્યામાં દાન એકત્ર કર્યું હતું. લગભગ 63 લાખનું ડોનેશન સીજેપી અને 88 લાખનું ડોનેશન સબરંગ ટ્રસ્ટના ખાતામાં જમા થયું છે. સોસાયટીના લોકોને આમાંથી એક કોડી પણ આપવામાં આવી નથી.

રમખાણ પીડિતોએ શહેરના પોલીસ કમિશ્નરને પણ આની જાણ કરતો પત્ર મોકલ્યો છે. જેમાં તિસ્તાની એનજીઓ પર પ્રતિબંધ લગાવવાની માંગ પણ કરવામાં આવી છે. તિસ્તાની એનજીઓ દરવર્ષે 28 ફેબ્રુઆરીના રોજ એક કાર્યક્રમ આયોજિત કરે છે જેમાં રમખાણ પીડિતો પ્રત્યે ભાઇચારો પ્રદર્શિત કરવામાં આવે છે. ગુલબર્ગ સોસાયટીના લોકોએ માંગ કરી છે કે આવી એનજીઓ અને બાહરના લોકોને અમારી સોસાયટીમાં પ્રવેશબંધી કરાવવામાં આવે અને આવા કાર્યક્રમ કરતા અટકાવવામાં આવે. તેમણે એવી માંગ પણ કરી છે કે અમને સુરક્ષા પ્રદાન કરવામાં આવે જેથી અમે આવી કોઇ એનજીઓ વગર રમખાણોમાં માર્યા ગયેલા લોકો માટે શાંતિપૂર્વક પ્રાર્થના કરી શકીએ.

પોલીસ કમિશ્નરને લખેલા આ પત્રમાં એક રમખાણ પીડિતે એવો આરોપ લગાવ્યો છે કે છેલ્લા દસ વર્ષથી આ એનજીઓ ખોટા વાયદા કરી રહી છે. આ એનજીઓ અને બાહરના લોકો અમને ગરીબ દર્શાવી અને અમારી મદદ કરવાના નામે પોતાના ખિસ્સા ભરી રહી છે.

English summary
A name of 2002 riots victims Tista Shetalvad earning money, Gujarat riots victims complain to Police commissioner of Ahmadabad.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more