બિપરજોય વાવાઝોડામાં પોલીસકર્મીએ 4 દિવસની બાળકીનુ કર્યુ રેસક્યુ, લોકો કરી રહ્યાં છે વખાણ, Video
તોફાની વાવાઝોડું 'બિપોરજોય'એ ગુરુવારે ગુજરાતના દરિયાકાંઠાના વિસ્તારોમાં ઘણો વિનાશ વેર્યો છે. નીચાણવાળા વિસ્તારો અને ગંભીર અસરગ્રસ્ત વિસ્તારોમાં બચાવ કામગીરી પૂરજોશમાં ચાલી રહી છે. ત્યારે રેસ્ક્યૂ ઓપરેશનની વચ્ચે ગુજરાતની એક મહિલા પોલીસકર્મીનો વીડિયો સોશિયલ મીડિયામાં વાયરલ થઈ રહ્યો છે.
આ વીડિયોમાં એક મહિલા પોલીસકર્મી ચાર દિવસના બાળકને હાથમાં પકડીને જતા જોવા મળી રહ્યા છે. આ ઉપરાંત પોલીસ ટીમ દ્વારકા જિલ્લાના ભાણવડ ગામમાં પરિવાર અને અન્ય લોકોને સલામત સ્થળે લઈ જતી જોવા મળી રહી છે.
40 સેકન્ડનો વીડિયો ગુજરાતના મંત્રી મૂળુભાઈ બેરા દ્વારા શેર કરવામાં આવ્યો હતો. તેમણે વીડિયોમાં ગુજરાતીમાં કેપ્શન લખ્યું હતું કે, 'સેવા થકી સુરક્ષા સુનિશ્ચિત કરવા ભાણવડનું પ્રશાસન તંત્ર સજગ છે.
પોલીસ તંત્ર દ્વારા બિપરજોય વાવાઝોડાની સ્થિતિને ધ્યાનમાં લેતા બરડા ડુંગરમાં ચાર દિવસ પહેલા પ્રસૂતિ થયેલી માતાને બાળક સાથે સુરક્ષિત સ્થળે સ્થળાંતરિત કરવામાં આવી.' ત્યારે આ ટ્વીટને ગુજરાતના પોલીસ મહાનિર્દેશકના સત્તાવાર ટ્વિટર એકાઉન્ટ દ્વારા રીટ્વીટ કરવામાં આવ્યું હતું. જેમાં પોલીસદળની પ્રશંસા કરવામાં આવી હતી અને લોકોને ખાતરી આપવામાં આવી હતી કે, 'તેઓ સુરક્ષિત હાથમાં છે'.
If you are with #GujaratPolice, you are in absolutely safe hands. @CMOGuj @sanghaviharsh @GujaratPolice https://t.co/EodeDt6iPD
— DGP Gujarat (@dgpgujarat) June 15, 2023
ચક્રવાત બિપરજોયે ગુજરાતના કચ્છ જિલ્લાના જખૌ બંદર નજીક 'ખૂબ જ ગંભીર ચક્રવાતી તોફાન' તરીકે લેન્ડફોલ કર્યું હતું. તેને કારણે રાજ્યભરમાં ભારે વરસાદ અને ભારે પવન ફૂંકાયો હતો. જીવન અને સંપત્તિના જોખમને ધ્યાનમાં રાખી તંત્રએ ચક્રવાત ત્રાટકે તે પહેલાં જ સંવેદનશીલ નીચાણવાળા વિસ્તારોમાંથી લગભગ એક લાખ લોકોને સ્થળાંતરિત કર્યા હતા. ભારતીય હવામાન વિભાગના જણાવ્યા અનુસાર, રાજ્યમાં આજે અને આવતીકાલે પણ ભારે વરસાદની સંભાવના છે.
Click it and Unblock the Notifications
Sign in with Google
