Ambaji mela 2025 : ભાદરવી પૂનમ મહામેળો 2025 : અંબાજીમાં વાહન પાર્કિંગ માટે ઓનલાઈન સુવિધા

By Desk

Published: Monday, August 25, 2025, 20:29 [IST]

Ambaji mela 2025 : શક્તિ, ભક્તિ અને આસ્થાના પ્રતિકસમા અંબાજી ધામમાં આગામી 1 થી 7 સપ્ટેમ્બર 2025 દરમિયાન ભાદરવી પૂનમનો મહામેળો યોજાશે.

આ મેળામાં આવતા લાખો શ્રદ્ધાળુઓની સુવિધા માટે બનાસકાંઠા જિલ્લા વહીવટી તંત્ર અને અંબાજી માતા દેવસ્થાન ટ્રસ્ટ દ્વારા ખાસ વ્યવસ્થા કરવામાં આવી છે.

આ વર્ષે મેળામાં આવતા શ્રદ્ધાળુઓ માટે વિનામૂલ્યે ઓનલાઈન પાર્કિંગ બુકિંગની સુવિધા શરૂ કરવામાં આવી છે. જિલ્લા કલેક્ટર અને ટ્રસ્ટના અધ્યક્ષ શ્રી મિહિર પટેલના માર્ગદર્શન હેઠળ આ પહેલ કરવામાં આવી છે.

આ ઓનલાઈન સિસ્ટમથી શ્રદ્ધાળુઓ ઘરે બેઠા જ તેમના વાહન માટે પાર્કિંગ બુક કરી શકે છે, જેથી મેળા દરમિયાન પાર્કિંગની સમસ્યાનો સામનો કરવો ન પડે.

પાર્કિંગ બુક કરવાની સરળ રીત

તમારા મોબાઈલમાં ગૂગલ પ્લે સ્ટોર અથવા એપ સ્ટોરમાંથી "Show my Parking" એપ્લિકેશન ડાઉનલોડ કરો.
તમારા મોબાઈલ નંબરથી લોગિન કરો.
એપ્લિકેશનના મુખ્ય ડેશબોર્ડ પરથી "અંબાજી ભાદરવી પૂનમ મહા મેળો 2025" ઇવેન્ટ પસંદ કરો.
તારીખ, વાહન નંબર અને પાર્કિંગ સ્થળ જેવી જરૂરી વિગતો ભરો.
"Book" બટન પર ક્લિક કરતા જ તમને ફ્રી પાર્કિંગ ટિકિટ અને QR કોડ સાથે ગૂગલ મેપ પરનું લોકેશન મળી જશે.

આ સુવિધાનો ઉપયોગ કરીને તમામ શ્રદ્ધાળુઓને અંબાજી મહામેળામાં સરળતાથી દર્શન કરવાનો લાભ મળશે. જિલ્લા વહીવટી તંત્ર અને શ્રી અંબાજી માતા દેવસ્થાન ટ્રસ્ટ દ્વારા દરેક શ્રદ્ધાળુને આ નિઃશુલ્ક ઓનલાઈન પાર્કિંગ સેવાનો લાભ લેવા વિનંતી કરવામાં આવી છે.

Published On August 25, 2025