Gujarat News: કેન્દ્રીય ગૃહ મંત્રી અમિત શાહે કર્યું Bio-CNG અને ફર્ટિલાઈઝર પ્લાન્ટનું લોકાર્પણ
Gujarat News: બનાસકાંઠાના સણાદર ખાતે કેન્દ્રીય ગૃહ મંત્રી અમિત શાહના હસ્તે પ્લાન્ટનું લોકાર્પણ; 150 ટનના પાવડર પ્લાન્ટનું ખાતમુહૂર્ત પણ કરવામાં આવ્યું; અમિત શાહે કહ્યું: બનાસની માતા-બહેનોએ 24,000 કરોડની કંપની બનાવીને ગુજરાતની વિકાસ યાત્રાને વેગ આપ્યો.
કેન્દ્રીય ગૃહ મંત્રી અમિત શાહે આજે બનાસકાંઠાની મુલાકાત લીધી હતી. આ દરમિયાન, તેમણે સણાદરના નવીન ડેરી પ્લાન્ટ ખાતે બનાસ ડેરી દ્વારા નવનિર્મિત બાયો CNG અને ફર્ટિલાઇઝર પ્લાન્ટનું લોકાર્પણ કર્યું હતું. આ સાથે જ, અમિત શાહના હસ્તે 150 ટનના પાવડર પ્લાન્ટનું ખાતમુહૂર્ત પણ કરવામાં આવ્યું હતું.
ગુજરાતને સમૃદ્ધ કરવાનું કામ માતા-બહેનોએ કર્યું
આ પ્રસંગે લોકોને સંબોધન કરતાં અમિત શાહે જણાવ્યું હતું કે, ગુજરાતને સમૃદ્ધ કરવાનું કામ અહીંની માતાઓ અને બહેનોએ કર્યું છે. તેમણે ભારપૂર્વક કહ્યું કે, "બનાસની માતા-બહેનોએ 24 હજાર કરોડની કંપની બનાવી છે, જેનાથી ગુજરાતની વિકાસ યાત્રાને વેગ મળ્યો છે."
અન્ય મહત્ત્વપૂર્ણ મુદ્દાઓ:
- નર્મદાનું પાણી: તેમણે કહ્યું કે બનાસકાંઠાને આજે નર્મદાનું પાણી મળી રહ્યું છે, જેના કારણે આ વિસ્તારમાં વિકાસના નવા માર્ગો ખુલ્યા છે અને જળ સંચયને કારણે સમૃદ્ધિ આવી છે.
- ગલબા કાકાનું સ્વપ્ન: અમિત શાહે કહ્યું કે આજે ગલબા કાકાના (બનાસ ડેરીના સ્થાપક) સ્વપ્નો પૂર્ણ થતા દેખાઈ રહ્યા છે અને તેમના વિચારો આજે એક મોટું વટવૃક્ષ બની ગયા છે.
- સહકારિતાનો વિચાર: તેમણે ડૉ. બાબાસાહેબ આંબેડકરને મહાપરિનિર્વાણ દિવસ પર શ્રદ્ધાંજલિ અર્પણ કરી અને જણાવ્યું કે ખેડૂત અને સહકારીતાનો વિચાર સરદાર વલ્લભભાઈ પટેલનો હતો.
આત્મનિર્ભરતા માટે 'યાદી આપીને જઈશ'
આત્મનિર્ભર ભારત તરફ આગળ વધવા પર ભાર મૂકતા અમિત શાહે કહ્યું, "હજુ કેટલીય વસ્તુઓ આપણા ત્યાં બનતી નથી. આપણે આત્મનિર્ભર બનીને 'મેક ઇન ઇન્ડિયા' તરફ આગળ વધવાનું છે. આપણે શું શું બનાવવાનું છે તેની યાદી હું શંકરભાઈ ચૌધરીને આપીને જઈશ."
તેમણે જાહેરાત કરી હતી કે, જાન્યુઆરી મહિનામાં દેશની તમામ ડેરીના ડિરેક્ટર્સ અને ચેરમેન બનાસકાંઠાની મુલાકાત લેશે.
Click it and Unblock the Notifications
Sign in with Google
