બાયડઃ હત્યાના આરોપીને નામદાર કોર્ટે આજીવન કેદની સજા ફટકારી
બાયડઃ હત્યાના આરોપીને નામદાર કોર્ટે આજીવન કેદની સજા ફટકારી
રોજ બરોજ ગુનાહિત પ્રવૃત્તિઓ સતત વધી રહી છે. જેને ડામવા માટે કાનૂન પણ સતત આકરા કરવામા આવી રહ્યા છે. જીણી મોટી બાબતે લડાઈ, ઝઘડા થતા બધાએ જોયા જ છે. આવી જ એક ઘટના બાયડના ડેમાઈ ગામે બની હતી. ધ્રુવ જયેશભાઈ સોનીની હત્યાના આરોપસર રાજેશકુમાર રમણભાઈ પટેલને આજીવન કેદની સજા ફટકારવામાં આવી છે.
જણાવીએ કે બાયડ પોલીસ સ્ટેશન વિ્તારના ડેમાઈ ગામના રહીશ ધ્રુવ જયેશભાઈ સોનીને રાજેશકુમાર રમણભાઈ પટેલે પોતાના ઘરે બોલાવી ગળું દબાવી હત્યા કરી હતી. હત્યા બાદ લૂંટ ચલાવીને પુરાવાનો નાશ કરવાના ઈરાદે લાશને કોથળાના કંતાનમાં સીવી ડેમાઈથી કપડવંજ હાઈવે રોડ ઉપર ગરનાળા નીચે ફેંકી દીધી હતી.
આ બાબતે પ્રકાશભાઈ ઉમરશીભાઈ સોનીની ફરિયાદના આધારે બાયડ પોલીસના અધિકારીઓએ આ મામલે ઉંડાણપૂર્વક તપાસ હાથ ધરી હતી. તમામ પૂરાવા એકત્ર કરીને નામદાર કોર્ટમાં બાયડ પોલીસ દ્વારા ચાર્જશીટ દાખલ કરવામાં આવી હતી, જે કેસ નામદાર કોર્ટમાં ચાલી જતાં આરોપી વિરુદ્ધ ગુન્હો સાબિત થતાં આરોપીને આજીવન કેદની સજા ફટકારવામાં આવી છે.
'ગુપકર ગેંગ'વાળા નિવેદન પર ફારુક અબ્દુલ્લા, 'અમિત શાહે મારો ઈતિહાસ નથી વાંચ્યો'