ગુજરાત વિધાનસભાની ચૂંટણી પહેલાં 500 ડૉક્ટરોએ કેસરીયો ખેસ ધારણ કર્યો!

આ વર્ષના અંતમાં ગુજરાત વિધાનસભાની ચૂંટણી થનાર છે. ભારતીય જનતા પાર્ટી લગભગ ત્રણ દશકથી ગુજરાત પર શાસન કરી રહી છે. વિધાનસભા ચૂંટણી પહેલાં ભાજપને મોટો જનાધાર મળ્યો છે, રાજ્યના 500 ડૉક્ટર્સ રવિવારે ભાજપમાં સામેલ થઈ ગયા છે. ગાંધીનગરમાં મુખ્યમંત્રી ભૂપેન્દ્ર પટેલ અને પાર્ટીના પ્રદેશ અધ્યક્ષ સીઆર પાટિલની હાજરીમાં ડૉક્ટર્સે ભાજપના સભ્ય બન્યા. ભાજપે ગુજરાત વિધાનસભા ચૂંટણીની તૈયારી કરતાં પાર્ટી કાર્યકર્તાઓને ચાર મે બાદ આગલા છ મહિના સુધી અટક્યા વિના સતત કામ કરવા કહ્યું છે. હાલમાં જ સંપન્ન વિધાનસભા ચૂંટણીઓમાં પાંચમાંથી ચાર રાજ્યોમાં ચૂંટણી જીત્યા બાદ ભાજપના કાર્યકર્તાઓને ગુજરાતમાં આગલી મોટી ચૂંટણીની તૈયારી કરવા માટે કહેવામાં આવ્યું છે.

સીઆર પાટિલે કહ્યું, "આગલા છ મહિના સુધી અટક્યા વિના કામ કરવા માટે તૈયાર રહો કેમ કે આપણે આપણું સર્વશ્રેષ્ઠ આપવાની જરૂરત છે અને પાર્ટી કાર્યકર્તાઓને પણ આ સંદેશ જ આપવામાં આવ્યો છે."

રાજ્ય પહેલેથી જ ચૂંટણીના મોડમાં છે, વડાપ્રધાન નરેન્દ્ર મોદીએ રાજ્યમાં ચૂંટણીનું બ્યુગલ ફૂંક્યુ છે, છેલ્લા બે મહિનામાં બે મુલાકાતો કરી છે અને આગામી મહિનાઓમાં ઘણી થવાની છે. ગુજરાતે માત્ર રાજ્ય અને કેન્દ્રીય રાજકારણીઓને જ નહીં પરંતુ વિદેશના લોકોને પણ આકર્ષ્યા છે, જેમાં અનુક્રમે યુનાઇટેડ કિંગડમના વડા પ્રધાન બોરિસ જ્હોન્સન અને મોરિશિયસના વડા પ્રધાન પ્રવિંદ કુમાર જુગનાથનો સમાવેશ થાય છે.

પીએમ મોદીની મુલાકાત ઉપરાંત, કેન્દ્રીય ગૃહ પ્રધાન અમિત શાહ પણ રાજ્યની મુલાકાતે આવ્યા છે, જેઓ ગાંધીનગરના સાંસદ પણ છે. ગુજરાત ભાજપનો ગઢ રહ્યો છે અને પાર્ટી હવે છઠ્ઠી ટર્મ ઈચ્છે છે.

ગુજરાતમાં 21 વર્ષથી ભાજપની સરકાર છે અને PM નરેન્દ્ર મોદી કુલ 13 વર્ષ સૌથી લાંબા સમય સુધી મુખ્યમંત્રી રહ્યા છે. ગયા વર્ષે સપ્ટેમ્બરમાં ભાજપે સંપૂર્ણ ફેરબદલની વ્યૂહરચના અપનાવી હતી અને રાજ્ય કેબિનેટની સંપૂર્ણ ફેરબદલ સાથે ભૂપેન્દ્ર પટેલને મુખ્ય પ્રધાન બનાવ્યા હતા.

182 સભ્યોની ગુજરાત વિધાનસભાની છેલ્લી ચૂંટણીમાં ભાજપે 49 ટકા મતો સાથે 99 બેઠકો અને કોંગ્રેસને 41.4 ટકા મતો સાથે 77 બેઠકો મળી હતી. જો કે છેલ્લા સાડા ચાર વર્ષમાં એક ડઝનથી વધુ ધારાસભ્યો કોંગ્રેસ છોડી ચૂક્યા છે. હવે રાજ્યમાં ચૂંટણીને લઈને સભાઓ જલ્દી શરૂ થશે.

English summary

Before the Gujarat Assembly elections, 500 doctors joined the BJP