Gujarat Election 2022 : ગુજરાત વિધાનસભાની ચૂંટણી માટે ભાજપે જાહેર કરી પહેલી યાદી

Gujarat Election 2022 : ગુજરાત વિધાનસભાની ચૂંટણી માટે ભારતીય જનતા પાર્ટી દ્વારા પોતાના ઉમેદવારોની પહેલી યાદી જાહેર કરવામાં આવી છે. જેમાં કુલ 160 ઉમેદવારોના નામ જાહેર કરવામાં આવ્યા છે. કેન્દ્રીય મંત્રી ભૂપેન્દ્ર યાદવે આ અંગે જાહેરાત કરી છે. આ સાથે ભૂપેન્દ્ર યાદવે જણાવ્યું હતું કે, ગુજરાતના મુખ્યમંત્રી ભૂપેન્દ્ર પટેલ ઘાટલોડિયા બેઠક પરથી ચૂંટણી લડશે. આ સાથે ક્રિકેટર રવિદ્ર જાડેજાની પત્ની રિવાબા જાડેજાને પણ ટીકિટ આપવામાં આવી છે.

રિવાબાને જામનગર ઉત્તરમાંથી મેદાનમાં ઉતારવામાં આવ્યા

આ ઉપરાંત માંડવી બેઠક પર અનિરુદ્ધ, અંજારમાં ત્રિકમ, ગાંધીધામમાંથી માલતી, મોરબીમાંથી કાંતિલાલ અને કાલાવાડમાંથી વેગજીને ટિકિટ આપવામાં આવી છે. આ સાથે ક્રિકેટર રવિન્દ્ર જાડેજાના પત્ની રિવાબાને જામનગર ઉત્તરમાંથી મેદાનમાં ઉતારવામાં આવ્યા છે. આ સાથે જ જામનગર ગ્રામ્યમાંથી રાઘવજી, મહુવામાંથી શિવાભાઈ અને જેતપુરના જયેશને ચૂંટણી મેદાનમાં ઉતારવામાં આવશે.

આ પુત્ર મંત્રીઓ નહીં લડે ચૂંટણી

ગુજરાત સરકારના ઘણા પૂર્વ મંત્રીઓએ ચૂંટણી નહીં લડવાની જાહેરાત કરી છે. જેમાં નીતિન પટેલ, વિજય રૂપાણી સરકારના કેબિનેટમાં શિક્ષણ અને મહેસૂલ મંત્રી રહેલા ભૂપેન્દ્રસિંહ ચુડાસમા, ગૃહ રાજ્યમંત્રી પ્રદીપસિંહ જાડેજા, ઉર્જા મંત્રી સૌરભ પટેલનો સમાવેશ થાય છે. આ સાથે જ ભાવનગરના ધારાસભ્ય અને રૂપાણી સરકારમાં મંત્રી વિભાવરી દવે, મંત્રીઓ કૌશિક પટેલ, વલ્લભ કાકડિયા અને યોગેશ પટેલે પણ ચૂંટણી નહીં લડવાની જાહેરાત કરી છે.

English summary

BJP announced the first list for the Gujarat assembly elections 2022