બિટકોઈન ખંડણી કેસમાં BJP ના પૂર્વ ધારાસભ્ય નલિન કોટડિયા દોષી, 14ને આજીવન કેદની સજા
સુરતના બિટકોઈન ખંડણી કેસમાં ચૂકાદો આવ્યો છે. અમદાવાદ સેશન્સ કોર્ટે ભાજપના પૂર્વ ધારાસભ્ય નલિન કોટડિયા સહિત કુલ 14 આરોપીઓને દોષિત ઠેરવીને આજીવન કેદની સજા ફટકારી છે.
આ કેસમાં અમરેલીના તત્કાલીન એસ.પી. જગદીશ પટેલ અને લોકલ ક્રાઈમ બ્રાન્ચ (LCB)ના પોલીસ ઇન્સ્પેક્ટર અનંત પટેલનો પણ સમાવેશ થાય છે.
આ ઘટના વર્ષ 2018ની છે, જ્યારે સુરતના બિલ્ડર શૈલેષ ભટ્ટ પાસેથી બિટકોઈનની ખંડણી માંગવામાં આવી હતી. શૈલેષ ભટ્ટે એક ફાઇનાન્સ કંપનીમાં બિટકોઈનનું રોકાણ કર્યું હતું.
જો કે તેમના પૈસા ડૂબી ગયા હતા. આથી તેમણે કંપનીના માલિકો અને કર્મચારીઓનું અપહરણ કરીને પૈસા પાછા માંગવાનો પ્રયાસ કર્યો હતો.
ત્યારબાદ આ કેસમાં અમરેલી LCBના તત્કાલીન પીઆઈ અનંત પટેલની ટીમ મેદાનમાં આવી અને સરકારી વાહનોનો ઉપયોગ કરીને બિલ્ડર શૈલેષ ભટ્ટનું અપહરણ કર્યું અને ગાંધીનગર નજીક લઈ જઈને તેમની પાસેથી 9 કરોડની કિંમતના 176 બિટકોઈન ટ્રાન્સફર કરાવ્યા હતા.
આ સમગ્ર ખંડણીકાંડમાં તત્કાલીન ધારાસભ્ય નલિન કોટડિયાની પણ સંડોવણી બહાર આવી હતી. હવે લાંબી કાનૂની લડાઈ બાદ કોર્ટે તમામ આરોપીઓને સજા સંભળાવી છે.
Click it and Unblock the Notifications
Sign in with Google
