જામનગરમાં એક વાડીમાંથી રોકેટના તૂટેલા ભાગ જેવી વસ્તુ મળી આવી

જામનગરના સરમત ગામ પાસે આવેલી વાડીમાંથી રોકેટના તૂટેલા ભાગ જેવી શંકાસ્પદ વસ્તુ મળી આવી હતી. પ્રાથમિક તબક્કે આ ભાગ એરફોર્સના વિમાનમાંથી પડી હોવાનું સામે આવ્યું હતું.

આ બાબત સોમવારે બપોરે ધ્યાનમાં આવી હતી જ્યારે વાડીમાં રહેતા લખમણભાઈ તેમના પરિવાર સાથે ઘરે હતા ત્યારે જ રોકેટ જેવો લાગતો આ પદાર્થ આકાશમાંથી પડ્યો હતો. ત્યારબાદ આ બાબતની જાણ થતા એરફોર્સના અધિકારીઓ પણ ઘટના સ્થળ પર પહોંચ્યા હતા અને સમગ્ર વિસ્તાર કોર્ડન કરીને તપાસ હાથ ધરી હતી. એરફોર્સના અધિકારીઓ દ્વારા આ રોકેટ લોંચર હોવાનું જણાવાયુ હતુ. તેમણે જણાવ્યુ હતુ કે પરીક્ષણ દરમિયાન તે અહીં પડ્યુ હોઇ શકે. ત્યારબાદ જમીનમાં ખૂંચી ગયેલા રોકેટ લોંચરને બહાર કાઢવાની પ્રક્રિયા હાથ ધરાઇ હતી. આ માહિતી મળ્યા બાદ લોકોને રાહત મળી હતી.

English summary

broken part of rocket found in jamnagar