જામનગરઃ 14 પાકિસ્તાની માછીમારો પકડાયા
મળતી માહિતી અનુસાર જામનગર જિલ્લાના ઓખા નજીક ગુલ્સમાલ નામની પાકિસ્તાની ફિશિંગ બોટ પકડી પાડવામાં આવી છે, જે ગેરકાયદે રીતે ભારતીય પાણીમાં મિઠા પોર્ટથી 34 ન્યુટિકલ માઇલ્સ અંદર આવી ગઇ હતી. આઇસીજીની ટૂકડીને આવતી જોઇને આ માછીમારો પોતાની નેટ કાઢી ભાગવાની ફિરાકમાં હતા, જોકે આઇએસજી શીપે પાંચ રાઉન્ડ હવામાં ગોળીબાર કરીને બોટને રોકી હતી.
ધરપકડ કરવામાં આવેલા માછીમારોની તપાસ હાથ ધરતા તેઓ પાકિસ્તાનના નાગરિક હોવાનું બહાર આવ્યું હતું. તેમના વિરુદ્ધ ભારતીય મેરિટાઇમ ઝોન એક્ટ 1981નો ભંગ કરવાનો ગુનો દાખલ કરવામાં આવ્યો છે. તેમજ વધુ તપાસ હાથ ધરવામાં આવી રહી છે. આ તપાસ આઇસીજી, ઇન્ડિયન નેવી, કસ્ટમ્સ, મરિન પોલીસ, સેન્ટ્રલ ઇન્વેસ્ટિગેશન બ્યુરો, સ્પેશિયલ ઇન્ટેલિજન્સ બ્રાન્ચ અને પોર્ટ ઓથોરિટી દ્વારા સુરક્ષાના ભાગરૂપે કરવામાં આવી રહી છે.
Click it and Unblock the Notifications
Sign in with Google
