રચના પહેલાં જ વિધાનસભા ખંડિત, કોંગ્રેસના ઉમેદવારનું મોત

ગાંધીનગર, 21 ડિસેમ્બર: તેરમી વિધાનસભાની ચુંટણી થઈ ગઈ છે, પણ તેની વિધિવત રીતે રચના થાય, તે પહેલાં જ તે ખંડિત થઈ ગઈ છે. કોંગ્રેસના એક મહિલા ધારાસભ્ય સવિતાબેન ખાંટનું બ્રેન હેમરેજથી નિધન થતાં તેરમી વિધાનસભા જ્યારે મળશે, ત્યારે તેમાં પૂરા 182 સભ્યો બેસી નહીં શકે.

ગોધરા-લુણાવાડા રોડ સ્થિત છબનપુરમાં ઇજનેરી કોલેજમાં ગુરુવારે રસાકસીભરી મત ગણતરી વચ્ચે મોરવા(હડફ) બેઠકનાં કોંગ્રેસના મહિ‌લા ઉમેદવાર સવિતાબેન ખાંટની એકાએક તબિયત લથડી પડી હતી. અને જેથી તેમને વડોદરાની ખાનગી હોસ્પિટલમાં ખસેડતાં પ્રાથમિક તપાસમાં બ્રેઇન હેમરેજ થયું હોવાનું નિદાન કરવામાં આવ્યું હતું. તેમની સ્થિતી નાજુક હોવાથી વેન્ટિલેટર પર રાખવમાં આવ્યાં. અને આજે સવારે હોસ્પિટલમાં તેમનું નિધન થયું હતું.

અલબત્ત, નાજુક સ્થિતિ વચ્ચે કોંગ્રેસનાં મહિ‌લા ઉમેદવાર સવિતાબેન ખાંટને પ૬૮૮૬ અને ભાજપના ઉમેદવાર બીજલ ડામોરને ૪પપ૯૭ મત મળતાં તેઓ ૧૧૨૮૯ મતની લીડથી વિજેતા બન્યા હતા.

English summary

Congress's elected woman MLA from Morva Hadaf dies, gujarat assembly in ruin before it constitute.