અરવલ્લી વન ડે વન ડિસ્ટ્રીક્ટ : બીજા દિવસે સીઆર પાટીલે વિવિધ બેઠકો યોજી

વન ડે વન ડિસ્ટ્રીક્ટ કાર્યક્રમ અંતર્ગત ભાજપના પ્રદેશ અધ્યક્ષ સીઆર પાટીલ અરવલ્લીના બે દિવસના પ્રવાસ પર છે. પહેલા દિવસે એટલે કે 15 જૂનના રોજ સીઆર પાટીલે મોડાસા ખાતે ભવ્ય રોડ શો યોજ્યો હતો.

Published: Thursday, June 16, 2022, 17:32 [IST]

વન ડે વન ડિસ્ટ્રીક્ટ કાર્યક્રમ અંતર્ગત ભાજપના પ્રદેશ અધ્યક્ષ સીઆર પાટીલ અરવલ્લીના બે દિવસના પ્રવાસ પર છે. પહેલા દિવસે એટલે કે 15 જૂનના રોજ સીઆર પાટીલે મોડાસા ખાતે ભવ્ય રોડ શો યોજ્યો હતો, જેમાં 25 હજારથી વધુ નાગરિકો જોડાયા હતા.

સીઆર પાટીલે અરવલ્લી જિલ્લાના ભાજપા કાર્યાલય ખાતે યોજી બેઠક

જે બાદ 16 જૂનના રોજ સીઆર પાટીલે અરવલ્લી જિલ્લાના ભાજપા કાર્યાલય કમલમ ખાતે સાંસદો, ધારાસભ્યો, જિલ્લા પંચાયત, તાલુકાપંચાયત, નગર પંચાયતના ચૂંટાયેલા પ્રતિનિધિઓ, જિલ્લા ભાજપા પ્રભારીઓ, મંડળના પ્રમુખ-મહામંત્રીઓ સાથે બેઠક કરી હતી. જેમાંતેમણે સૌને ચૂંટણીલક્ષી માર્ગદર્શન આપ્યું હતું.

આ બેઠકમાં મહામંત્રીઓ રજની પટેલ, વિનોદ ચાવડા, પ્રદેશ ઉપાધ્યક્ષ મહેન્દ્ર પટેલ, સાંસદ દિપસિંહ રાઠોડ, અરવલ્લી જિલ્લા પ્રમુખ રાજેન્દ્રપટેલ, જિલ્લા પ્રભારી જયશ્રી દેસાઈ સહિતના આગેવાનો ઉપસ્થિત રહ્યા હતા.

સીઆર પાટીલે મોડાસા ખાતે 40 મીટર ઉંચા ફ્લેગ માસ્ટનું લોકાર્પણ કર્યું

ભાજપના આગેવાનો સાથે બેઠક કર્યા બાદ સીઆર પાટીલે મોડાસા ખાતે 40 મીટર ઉંચા ફ્લેગ માસ્ટનું લોકાર્પણ કર્યું હતું. આ સાથેસાધુ-સંતો, કલાકારો અને સાહિત્યકારો સાથે સંવાદ કર્યો હતો. જે બાદ સીઆર પાટીલ સાહેબે મોડાસા ખાતે સહકારી આગેવાનો, ખેડૂતઆગેવાનો, સમાજના આગેવાનો અને યુનિયનના આગેવાનો સાથે બેઠક યોજી હતી.