વરસાદમાં વિલંબ : પાણી બચાવવા નર્મદા ડેમના 6 વીજ ટર્બાઇન મહિના માટે બંધ

Subscribe to Oneindia News
For Quick Alerts
ALLOW NOTIFICATIONS
For Daily Alerts

    નર્મદા, 8 જુલાઇ : ગુજરાતમાં આ વર્ષે ચોમાસુ હજી સક્રિય થયું નથી. છેલ્લા ઘણા દિવસથી ગુજરાતવાસીઓ વરસાદ વરસવાની રાહ જોઇ રહ્યા છે. આ કારણે ગુજરાતમાં પીવાના પાણી અને સિંચાઇના પાણીની તંગી ઉભી થઇ છે. આ વર્ષે નબળા ચોમાસાની આગાહીને પગલે ગુજરાતના લોકોને વધારે તકલીફ પડે નહીં તે માટે સરદાર સરોવર નર્મદા નિગમ લિમિટેડ (એસએસએનએનએલ - SSNNL) દ્વારા ડેમ પર લાગેલા અને 200 મેગાવોટ હાઇડ્રો ઇલેક્ટ્રિકની વ્યક્તિગત ક્ષમતા ધરાવતા 6 ટર્બાઇનને મહિના માટે બંધ રાખવાનો નિર્ણય લેવાયો છે. આમ થવાથી ડેમમાંથી પાણી વહી જશે નહીં અને ડેમમાં પાણીનો સંગ્રહ થશે.

    સરદાર સરોવર નર્મદા ડેમમાં ઉપરવાસમાંથી પાણીની આવક બંધ થઈ છે. 121.92 મીટરની જળસપાટી ધરાવતા આ બંધમા હાલ પાણીનું લેવલ 114.71 મીટર છે. ડેમનું પાણી જળ વિધુતમથકના ટર્બાઇન અને કેનાલ મારફતે પીવા અને સીંચાઇ માટે વપરાય છે. ઉનાળાની કાળઝાળ ગરમીમાં સિંચાઇ અને પીવા માટે પાણી આપવુ જ પડે તે હેતુથી બંધના પાવર હાઉસના તમામ છ ટર્બાઇન બંધ રાખવાની નર્મદા કંટ્રોલ ઓથોરિટીને સૂચના આપવામાં આવી છે.

    narmada-dam

    નોંધનીય છે કે આ છ ટર્બાઇન 1200 મેગાવોટનું વિજ ઉત્પાદન કરે છે. તેને બંધ રાખવાને કારણે નર્મદા ડેમની જળ સપાટી વધી શકે. જો કે નર્મદા ડેમની જળસપાટી 114.71 મીટર અને અનામત લેવલ 110.64 મીટર છે. જે પ્રમાણે પાણીની સપાટી અનામત લેવલ કરતા ચાર મીટર જેટલી વધુ હોવાથી ગુજરાતમા ચોમાસું ખેંચાય તો પણ પીવાના પાણી માટે કોઇ તકલીફ ન પડે તેવા નર્મદા નિગમના અધિકારીઓ આશ્ર્વાશનો આપી રહ્યા છે.

    નર્મદા બંધમા પાણીની પરિસ્થિતિનું ધ્યાન દિલ્હી સ્થિત નર્મદા કંટ્રોલ ઓથોરિટી રાખી રહી છે. ત્યારે નર્મદા બંધનુ મિનીમમ લેવલ 110.54 મીટર જાળવવું ખુબજ જરૂરી છે. અને તે કારણસર જ કરોડો રૂપિયાનું વિજ ઉત્પાદન બંધ કરી હાલ પીવાના અને સિંચાઇના પાણીનો સંગ્રહ કરાવામાં આવી રહ્યો છે.

    English summary
    Delaye in monsoon, force authority to shut six power turbines on Narmada Dam.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more