સુરેન્દ્રનગરમાં જમીન કૌભાંડમાં વધુ બે આરોપીઓની ધરપકડ કરાઈ

સુરેન્દ્રનગરના 1500 કરોડના કથિત બેનામી જમીન કૌભાંડમાં એન્ફોર્સમેન્ટ ડિરેક્ટોરેટ (ED) દ્વારા વધુ બે આરોપીઓની ધરપકડ કરવામાં આવી છે. કલેક્ટર કચેરીના ક્લાર્ક સંજય અને પ્યૂન નીતિન આમાં સામેલ છે. અગાઉ આ જ કેસમાં તત્કાલીન કલેક્ટર રાજેન્દ્ર પટેલ અને નાયબ મામલતદાર ચંદ્રસિંહ મોરીની પણ ધરપકડ કરાઈ હતી, જેણે કૌભાંડનો પર્દાફાશ કર્યો હતો.

EDએ 1500 કરોડના આ કૌભાંડ મામલે સસ્પેન્ડેડ IAS અધિકારી રાજેન્દ્ર પટેલના અંગત સચિવ (PA) જયરાજસિંહ ઝાલા, ક્લાર્ક મયુરસિંહ ગોહિલ અને વકીલ ચેતન કણઝરીયા સહિત ત્રણ અન્ય વ્યક્તિઓને પૂછપરછ માટે બોલાવ્યા હતા. ઉલ્લેખનીય છે કે, ડિસેમ્બરમાં EDએ રાજેન્દ્ર પટેલ અને ચંદ્રસિંહ મોરીના નિવાસસ્થાનો પર દરોડા પાડીને તેમની ધરપકડ કરી હતી.

EDની પ્રાથમિક તપાસમાં 10 કરોડથી વધુની લાંચ લેવાઈ હોવાનું સામે આવ્યું છે. તપાસ દરમિયાન મળેલા ડિજિટલ ડિવાઇસ અને ચંદ્રસિંહ મોરીના ઘરેથી મળેલી કેટલીક નોટ્સ દ્વારા કૌભાંડની પદ્ધતિ ઉજાગર થઈ છે. આ શીટ્સમાં 1 થી 68 નંબર સુધીના અરજદારોના નામ, માગેલી અને મળેલી લાંચની રકમ, દલાલોની સંડોવણી તથા અધિકારીઓમાં તેની વહેંચણીની વિગત હતી.

આ કૌભાંડ મુખ્યત્વે જમીનના હેતુફેર (CLU – Change of Land Use અથવા બિનખેતી – NA) અરજીઓ અંતર્ગત આચરવામાં આવતું હતું. લાંચ સિસ્ટેમેટિકલી માગીને કલેક્ટ કરાતી અને અરજીઓના ઝડપી નિકાલ માટે "સ્પીડ મની" તરીકે વસૂલાતી હતી. આ રેકેટમાં જમીનના પ્રતિ ચોરસમીટર દીઠ લાંચની નિશ્ચિત રકમ નક્કી કરાઈ હતી.

EDના ઇનપુટ્સના આધારે એન્ટિ કરપ્શન બ્યુરો (ACB) એ સુરેન્દ્રનગર કલેક્ટર રાજેન્દ્ર પટેલ, નાયબ મામલતદાર ચંદ્રસિંહ મોરી, ક્લાર્ક મયુર ગોહિલ અને અંગત સચિવ જયરાજસિંહ ઝાલા સામે ગુનો નોંધ્યો છે. તપાસ દર્શાવે છે કે વચેટિયાઓ અને એજન્ટોના માધ્યમથી જમીનને ગેરકાયદેસર બિનખેતી કરાવવાનું એક સુસંગઠિત નેટવર્ક કાર્યરત હતું.

English summary

The ED reports arrests in a Surendranagar land use scam valued at around 1500 crore, revealing a bribe-based pattern tied to change of land use and non-agricultural approvals. Digital records and witness statements indicate a coordinated network among officials, clerks, legal advisers and brokers.