ગુજરાતમાં તમાકુની ખેતી ખેડૂતોને માલામાલ કરી રહી છે, વર્ષમાં બે વાર ખેતી કરે છે

ગુજરાતના મુખ્યમંત્રી વિજય રુપાણીએ રાજ્યને તમાકુ મુક્ત રાજ્ય જાહેર કર્યું છે, પરંતુ, ગુજરાતમાં તમાકુનું ઉત્પાદન ઝડપી ગતિએ વધી રહ્યું છે. રાજ્યના ખેડૂતો બે સીઝનમાં તમાકુની ખેતી કરે છે. આનું મુખ્ય કારણ એ છે કે ખેડૂતોને વધુ પૈસા અને લાભ મળી રહ્યો છે. રાજ્યમાં તમાકુની વધતી જતી ખેતીથી ઉત્પાદક આંક 3.80 લાખ ટન સુધી પહોંચી ગયો છે.

આ પણ વાંચો: જળસંકટ: ગુજરાતમાં ડુંગળીની વાવણી 80% ઘટી, હવે બધાને રડાવશે

બે સીઝનમાં તમાકુની ખેતી

ખરીફ સીઝનમાં તમાકુની ખેતી 63,000 હેકટર વિસ્તારમાં કરવામાં આવે છે જ્યારે રબી સિઝનમાં 1.16 લાખ હેકટર વિસ્તાર આવરી લેવામાં આવે છે. એક હેકટરમાં 3000 કિલો તમાકુનું ઉત્પાદન કરવામાં આવી રહ્યું છે. ગુજરાતમાં તમાકુના પ્રતિબંધ પછી ખેડૂતોએ કૃષિ ક્ષેત્રે વૃદ્ધિ કરી છે. ગુજરાતમાં ભાજપના શાસન પછી ખેડૂતોએ રોકડ પાક તરીકે જાણીતા તમાકુના પાકની રોપણી વધારી છે.

તમાકુના ઉત્પાદનમાં વધારો

ગુજરાતમાં પહેલા ફક્ત ખેડા અને આનંદની 20,000 હેકટરમાં તમાકુનું ઉત્પાદન કરવામાં આવતું હતું. હવે આ બે જિલ્લાઓમાં 92500 હેકટરમાં તમાકુ ઉગાડવામાં આવે છે. ઉત્તર ગુજરાતના તમામ છ જિલ્લાઓમાં 23,800 હેકટર પાક લેવામાં આવી રહ્યો છે. આનંદની 60, 500, ખેડાની 31,700, મહેસાણાની 12,700, ગાંધીનગરની 3400, સાબરકાંઠાની 2400, બનાસકાંઠાની 2800, પાટણની 1900, અરવલ્લીની 600 હેકટર જમીનમાં તમાકુ ઉગાડવામાં આવે છે. રાજ્યના બાકીના 25 જિલ્લાઓમાં કોઈ પણ ખેડૂતો તમાકુનું ઉત્પાદન કરતા નથી.

ખેડૂતોને કરી રહી છે માલામાલ

ગુજરાતમાં છેલ્લા ચોમાસામાં પાણીના અભાવને લીધે તમાકુનું ઉત્પાદન ઓછું જોવા મળ્યું છે. તમાકુનો સામાન્ય વાવેતર વિસ્તાર 1.37 લાખ હેકટર છે પરંતુ 2017-18 માં 1.20 લાખ હેકટરમાં અને 2018-19 માં 1.16 લાખ હેક્ટરમાં આ પાક જોવા મળ્યો છે. તમાકુ લોકો માટે જીવલેણ છે, પરંતુ તેની ઉપજ ખેડૂતોને માલામાલ કરી રહી છે. રાજ્યના અમદાવાદ, વડોદરા, પંચમહાલ જીલ્લાના ખેડૂતોએ તમાકુનું ઉત્પાદન બંધ કરી દીધું છે. આની સામે તમાકુનું ગાંધીનગર, બનાસકાંઠા, પાટણ, અરવલ્લીના નવા વિસ્તારોમાં ઉત્પાદન શરુ કર્યું છે. ઉત્તર ગુજરાતમાં તમાકુની ખેતીમાં વધારો થયો છે.

English summary

Farmers making huge profits from tobacco crop in gujarat