જળસંકટ: ગુજરાતમાં ડુંગળીની વાવણી 80% ઘટી, હવે બધાને રડાવશે

જળસંકટને લીધે ગુજરાતમાં ઘણાં પાકો અને શાકભાજીઓની ખેતીને ભારે અસર થઈ છે. અહીં ડુંગળી વાવણીમાં જ 80% નો ઘટાડો જોવા મળ્યો છે.

Updated: Friday, May 3, 2019, 16:23 [IST]

જળસંકટને લીધે ગુજરાતમાં ઘણાં પાકો અને શાકભાજીઓની ખેતીને ભારે અસર થઈ છે. અહીં ડુંગળી વાવણીમાં જ 80% નો ઘટાડો જોવા મળ્યો છે. રાજ્યના કૃષિ વિભાગની વાવણી રિપોર્ટ મુજબ આ વર્ષે, ડુંગળીની વાવણી માત્ર 1811 હેકટરમાં કરવામાં આવી છે, જે ગયા વર્ષે તે 9214 હેકટરમાં થઇ હતી. વાવણી ઓછી થવાના કારણે ડુંગળીના ભાવ હવે ખુબ વધારે જોવા મળશે. આનું કારણ પાકિસ્તાન સાથે પ્રવર્તમાન તણાવ છે કારણ કે ત્યાંની ડુંગળી ગુજરાત સહિતના ઘણાં રાજ્યોમાં મોટા ભાગે પહોંચતી હતી. આ વખતે, પુલવામા આતંકવાદી હુમલા પછી, ભારત અને પાકિસ્તાન વચ્ચે શાકભાજીના વેપારમાં ખુબ જ ઘટાડો થયો છે. ગુજરાતી શાકભાજીના વેપારીઓએ સીધી જાહેરાત કરી હતી કે તેઓ શાકભાજી પાકિસ્તાનને વેચશે નહીં. ખાસ કરીને, અહીંના ટમેટાં પાડોશી દેશ જતા હતા.

આ પણ વાંચો: લોકસભા ચૂંટણી પછી, ગુજરાતને જળ સંકટનો સામનો કરવો પડશે, ડેમમાં પાણી ઓછું

જળસંકટને કારણે વાવણી થયો ઘટાડો

ખૂબ જ ઓછી ડુંગળીની ખેતી પાછળનું મુખ્ય કારણ એ છે કે ગુજરાતમાં પાણીનો અભાવ છે. પાણીના અભાવને લીધે ખેડૂતોએ ડુંગળીની વાવણી ઘટાડી છે, જેની સીધી અસર ઉત્પાદન પર પડવાની છે. નુકશાન થવાના કારણે ડુંગળીની કિંમત પણ નિયંત્રણમાંથી બહાર આવી શકે છે.

2018 માં 1.57 લાખ મેટ્રિક ટન ડુંગળીનું ઉત્પાદન થયું હતું

રિપોર્ટ મુજબ, ગુજરાતમાં ગયા વર્ષે 1.57 લાખ મેટ્રિક ટન ડુંગળીનું ઉત્પાદન થયું હતું, જે ઘટીને 2019 માં માત્ર 31,000 મેટ્રિક ટન રહેવાની ધારણા છે. જણાવી દઈએ કે ભારતમાં મહારાષ્ટ્ર, કર્ણાટક, મધ્યપ્રદેશ અને રાજસ્થાન પછી ગુજરાત પાંચમુ સૌથી મોટું ડુંગળી ઉત્પાદક રાજ્ય છે. જેની માર્કેટમાં 6.5 ટકા હિસ્સેદારી છે.

વાવણીની કિંમત વસુલ ન થવી

સ્થાનિક સ્તરે મળેલા સમાચાર અનુસાર મહુવા અને અમરેલીમાં મોટી સંખ્યામાં ખેડૂતોએ આ સિઝનમાં ડુંગળીનો વિકલ્પ એટલા માટે પસંદ કર્યો નથી, કારણ કે ગયા વર્ષે તેમની વાવણીની કિંમત વસુલ થઇ ન હતી. ઘણાં ખેડૂતોને ડુંગળીનો ભાવ એક રૂપિયાથી બે રૂપિયા મળ્યા હતા.

આ રીતે વધશે ભાવ

મહુવા એપીએમસીના અધ્યક્ષનું કહેવું છે કે જુલાઈથી ઑગસ્ટ સુધીમાં મહુવા હોલસેલ માર્કેટમાં ડુંગળી 2.5 રૂપિયાથી 6 રૂપિયા કિલોગ્રામથી વેચાઈ રહી છે, જે વધીને 20 રૂપિયા પ્રતિ કિલોગ્રામ થઇ શકે છે. ણા નિષ્ણાતોનું કહેવું છે કે તે અમદાવાદ જેવા શહેરોમાં ગ્રાહકો માટે સારું નથી.

મહારાષ્ટ્ર અને કર્ણાટકએ આપી ચુનોતી

સ્થાનિક ખેડૂતો કહે છે કે પાછલા વર્ષે મળેલા ઓછા ભાવે ખેડૂતોને ડુંગળીનો પાક લેવાથી ડરાવી દીધા હતા. ખેડૂતો રાષ્ટ્રીય સ્તરે ગતિશીલતા બદલવાનું પણ સૂચવે છે. ગુજરાતની ડુંગળીની માંગ દિલ્હી, રાજસ્થાન અને પંજાબ જેવા ઉત્તરી રાજ્યોમાં હતી. પરંતુ છેલ્લા કેટલાક વર્ષોથી, મહારાષ્ટ્ર અને કર્ણાટક નીચા ભાવ અને ઉચ્ચ ગુણવત્તા સાથે સ્પર્ધા કરે છે. ગુજરાતના ખેડૂતોએ હવે ડુંગળીને બદલે મગફળીનો વિકલ્પ પસંદ કર્યો છે.