લોકસભા ચૂંટણી 2024: 4650 કરોડ રૂપિયા જપ્ત કરાયા, આઝાદી પછીની સૌથી વધુ
Lok Sabha Elections 2024: ચૂંટણી પંચ દ્વારા દેશમાં સામાન્ય ચૂંટણી દરમિયાન અત્યાર સુધીમાં 4650 કરોડ રૂપિયા જપ્ત કરવામાં આવ્યા છે. ચૂંટણીના 75 વર્ષના ઈતિહાસમાં આ સૌથી મોટી જપ્તી છે. ચૂંટણી પંચનું કહેવું છે કે, ભવિષ્યમાં પણ આ જ ગતિએ કાર્યવાહી ચાલુ રહેશે.
ચૂંટણી પંચ દ્વારા જાહેર કરવામાં આવેલા આંકડા અનુસાર, અત્યાર સુધીમાં 395.39 કરોડ રૂપિયા રોકડા, 489.31 કરોડ રૂપિયાનો દારૂ, 2068.85 કરોડ રૂપિયાનો ડ્રગ્સ, 562.10 કરોડ રૂપિયાનું સોનું અને 1142.49 કરોડ રૂપિયાની મફત સામગ્રી જપ્ત કરવામાં આવી છે. છેલ્લી સામાન્ય ચૂંટણીની સરખામણીમાં આ વખતે વધુ ડ્રગ્સ અને મફત સામગ્રી જપ્ત કરવામાં આવી છે.
18મી લોકસભા ચૂંટણી માટેના પ્રથમ તબક્કાનું મતદાન શુક્રવારના રોજ શરૂ થાય તે પહેલાં જ, અમલીકરણ એજન્સીઓએ મની પાવર સામેની નિર્ધારિત લડાઈમાં રૂપિયા 4650 કરોડથી વધુની વિક્રમી જપ્તી કરી છે, એમ કમિશન દ્વારા જાહેર કરવામાં આવેલા નિવેદનમાં જણાવાયું છે.
સમગ્ર 2019ની ચૂંટણી દરમિયાન 3475 કરોડ રૂપિયા જપ્ત કરવામાં આવ્યા હતા. 45 ટકા જપ્તીઓ ડ્રગ્સ અને નશીલા પદાર્થોની છે, જેના પર આયોગનું ખાસ ધ્યાન છે.
Click it and Unblock the Notifications
Sign in with Google
