ડભોઈના કાયાવરોહણ ગામના ખેતરમાંથી 9 ફીટ લાંબો અજગર નિકળ્યો

વડોદરાઃ ચોમાસામાં પાણી ભરાઈ જવાના કારણે સૃપજીવી સજીવો પાતાના દરમાંથી બહાર આવી જતાં હોય છે. હાલમાં જ ડભોઈના કાયાવરોહણ ગામમાં આવેલ એક ખેતરમાં 9 ફીટ લાંબા અજરે દેખાં દીધાં હતાં. અજગરને જોઈ ખેતરમાં કામ કરતા ખેત માલીક અને મજૂરોમાં નાસભાગ મચી હતી. જો કે એક ખેડૂતો આ મામલે વડોદરાની પ્રાણી ક્રૂરતા નિવારણ ટીમને જાણ કરતાં ઘટના સ્થળે પહોંચેલ ટીમે અજગરને સહીસલામત રીતે પકડી પાડ્યો હતો.

બાદમાં 9 ફીટના આ અજગરને વડોદરા વનવિભાગને સુપરત કરવામાં આવ્યો હતો. જ્યાંથી વડોદરા વનવિભાગે આ અજગરને રહેણાંક વિસ્તારથી દૂર લઈ જઈ છોડી મૂકવામાં આવ્યો. ઉલ્લેખનીય છે કે અગાઉ પણ અજગરે દેખા દીધાં હતાં. અજગરને સુરક્ષિત રીતે રેસ્ક્યૂ કરી લેવામાં આવ્યા બાદ ખેત મજૂરોએ પણ હાશકારો અનુભવ્યો.

English summary

forest department captured 9 feet long python from kayavihoran village of vadodara