દુનિયાભરના બિઝનેસમેનોના સ્વાગત માટે તૈયાર છે ગાંધીનગર
ગાંધીનગર, 19 ડિસેમ્બર: ગુજરાતના ગાંધીનગરમાં આગામી 11 થી 13 જાન્યુઆરીના રોજ આયોજિત થનાર 'ગુજરાત વાઇબ્રંટ સમિટ-20115'નું કાઉંટ ડાઉન શરૂ થઇ ગયું છે. તેના ઉપક્રમે ગાંધીનગરમાં મહેમાનોના સ્વાગત માટે જોરશોરથી તૈયારીઓ ચાલી રહી છે. આખા શહેરને નવવધૂની માફક શણગારવામાં આવી રહ્યું છે. ગાંધીનગરના માર્ગો ચમકવા લાગ્યા છે અને અન્ય સ્થળો પર રંગરોગાનનું કામ ઝડપથી ચાલી રહ્યું છે. તો બીજી તરફ સમિટનું એક્ઝિબેશન જ્યાં આયોજિત થવાનું છે, ત્યાં વિશાળ તંબૂ તૈયાર કરવામાં આવ્યા છે.
ગુજરાતની સાતમી અને નરેન્દ્ર મોદીના વડાપ્રધાન બન્યા બાદ આયોજિત થનારી સમિટ ઘણા પ્રકારે ઐતિહાસિક હશે. આ આંતરરાષ્ટ્રીય ઇવેંટ પર આખી દુનિયાની નજર રહેશે, કારણ કે આ વખતે વાઇબ્રંટ સમિટમાં અમેરિકાના પૂર્વ રાષ્ટ્રપતિ બિલ ક્લિંટન, બિઝનેસમેન બિલ ગેટ્સ અને ફેસબુકના સંસ્થાપક માર્ક જુકરબર્ગ પણ એક મંચ પર જોવા મળશે.
તો બીજી તરફ વાઇબ્રંટ સમિટ દરમિયાન 11 જાન્યુઆરીના રોજ આયોજિત થનાર ગ્લોબલ સીઇઓ કોન્ક્લેવમાં ફ્રોર્ચ્યૂન 500માં સામેલ બધી કંપનીઓના સીઇઓ પણ આમંત્રિત કરવામાં આવ્યા છે. આ વિશેષ દિવસે બૉલીવુડના સુપર સ્ટાર સલમાન ખાન અને ઑસ્કર એવોર્ડ વિનર સંગીતકાર એ.આર.રહેમાનને પણ આમંત્રિત કરવામાં આવ્યા છે. કાર્યક્રમમાં ગાયક સુખવિંદર સિંહ અને પંડિત જસરાજ જેવી દિગ્ગજ હસ્તીઓ પણ ઉપસ્થિર રહેશે.
Click it and Unblock the Notifications
Sign in with Google
