Godhra Demolition : ગોધરાના સિગ્નલ ફળિયામાં સરકારી જમીન પરના 35 ગેરકાયદે બાંધકામો દુર કરાયા
Godhra Demolition : ગુજરાતમાં ગેરકાયદે દબાણો હટાવવાની ઝુંબેશ વચ્ચે ગોધરા શહેરમાં અસામાજિક તત્વો દ્વારા કરાયેલા દબાણો પર વહીવટીતંત્રે બુલડોઝર ચલાવ્યુ છે.
ગોધરાના સિગ્નલ ફળિયા વિસ્તારમાં આવેલી નાગા તલાવડી નજીકની સરકારી જમીન પર કરાયેલા ગેરકાયદે બાંધકામોને દૂર કરવાની મેગા કામગીરી હાથ ધરવામાં આવી હતી.
અહેવાલો અનુસાર, નાગા તલાવડી વિસ્તારમાં સરકારી માલિકીની જમીન પર અસામાજિક તત્વો દ્વારા આશરે 35 જેટલા કાચા તેમજ પાકા મકાનો બનાવીને ગેરકાયદેસર દબાણ કરવામાં આવ્યું હતું. વહીવટી તંત્ર દ્વારા આ તમામ ગેરકાયદે દબાણોને તોડી પાડવાની કાર્યવાહી શરૂ કરવામાં આવી છે.
આ કાર્યવાહી દરમિયાન એક મહત્વની બાબત સામે આવી છે કે, આ વિસ્તારમાં ગેરકાયદે દબાણ કરનારાઓમાં એવા આરોપીઓનો પણ સમાવેશ થાય છે જેમણે ગત માર્ચ માસમાં ગોધરાના ભામૈયા ગામના શિવ મંદિરમાં તોડફોડ કરી ચોરીનો ગુનો આચર્યો હતો.
વહીવટી તંત્રે ગુનાહિત પ્રવૃત્તિઓ સાથે સંકળાયેલા તત્વોના ગેરકાયદે બાંધકામોને પણ નિશાન બનાવીને કડક સંદેશ આપ્યો છે. દબાણ હટાવવાની આ કાર્યવાહી શાંતિપૂર્ણ રીતે થાય તે માટે ચુસ્ત પોલીસ બંદોબસ્ત ગોઠવવામાં આવ્યો હતો.
આ ડિમોલેશનની કામગીરીમાં ગોધરા નગરપાલિકા, મહેસૂલ વિભાગ, માર્ગ અને મકાન વિભાગ, પોલીસ અને મધ્ય ગુજરાત વીજ કંપની (MGVCL) સહિતના વિવિધ સરકારી વિભાગો દ્વારા સંયુક્ત રીતે હાથ ધરવામાં આવ્યું હતું.
Click it and Unblock the Notifications
Sign in with Google
