Gopal Italia : ગોપાલ ઇટાલિયાએ ધારાસભ્ય પદના શપથ લીધા, જાણો શપથ લીધા બાદ શું કહ્યું?
Gopal Italia : ગુજરાતમાં વિધાનસભાની બે બેઠકો કડી અને વિસાવદર માટે યોજાયેલી પેટાચૂંટણીના વિજેતાઓએ આજે ધારાસભ્ય પદની શપથ લીધી છે.
વિસાવદર વિધાનસભા બેઠક પરથી આમ આદમી પાર્ટીના ગોપાલ ઇટાલિયા વિજેતા બન્યા છે, જ્યારે કડીમાંથી ભાજપના રાજેન્દ્ર ચાવડા ચૂંટાયા છે.
શપથવિધિ વિધાનસભાના અધ્યક્ષ શંકર ચૌધરીની ચેમ્બરમાં યોજાઈ હતી. શંકર ચૌધરીએ પોતે ગોપાલ ઇટાલિયાને શપથ લેવડાવ્યા.
આ પ્રસંગે આમ આદમી પાર્ટીના અધ્યક્ષ નેતા ઈસુદાન ગઢવી, ધારાસભ્ય અને AAPના કાર્યકરો તેમજ મહામંત્રી મનોજ સોરઠીયા પણ હાજર રહ્યા હતા.
ગોપાલ ઇટાલિયા અગાઉ એક વિવાદિત ઘટનાને કારણે સચિવાલયમાં પ્રવેશ માટે પ્રતિબંધિત હતા. ધારાસભ્ય તરીકે શપથ લીધા બાદ હવે તેમનો પ્રવેશ સચિવાલયમાં પુનઃ શરૂ થયો છે. અગાઉ તેણે તત્કાલિન ગૃહ રાજ્યમંત્રીએ વિવાદ દરમિયાન જૂતું ફેંકતા પ્રતિબંધ મુકાયો હતો. જેના કારણે તેમને સચિવાલય પ્રવેશ પર રોક લગાવવામાં આવી હતી.
ગોપાલ ઇટાલિયાના શપથગ્રહણ સાથે વિધાનસભામાં હવે આમ આદમી પાર્ટીનું પ્રતિનિધિત્વ વધુ મજબૂત બન્યું છે.
શપથ ગ્રહણ કર્યા બાદ ગોપાલ ઇટાલિયાએ કહ્યું કે, આ ગુજરાતના રાજકારણમાં ઐતિહાસિક દિવસ છે. આ ગુજરાતના રાજકારણ અને ગુજરાતના ઇતિહાસ માટે ગૌરવની ક્ષણ છે.
Click it and Unblock the Notifications
Sign in with Google
