સુરેન્દ્રનગરમાં ભારે વરસાદ, જાણો કયા તાલુકા કેટલો વરસાદ

Updated: Monday, August 26, 2024, 14:38 [IST]

surendranagar weather update: સુરેન્દ્રનગર શહેર અને સમગ્ર જિલ્લામાં ભારે વરસાદ નોંધાયો છે. જે કારણે જિલ્લામાં ઘણા સ્થળો પર જળબંબાકારની સ્થિતિ જોવા મળી રહી છે. શનિવારની રાતથી સમગ્ર જિલ્લામાં ભારે વરસાદ વરસી નોંધાયો છે.

ભારે વરસાદના કારણે જનજીવન ખોરવાયું છે. સુરેન્દ્રનગર શહેરમાં આવેલા 80 ફુટ વિસ્તરમાં રોડ પર ઘૂંટણસમા પાણી ભરાઈ જવાના કારણે અનેક વાહનો ફસાયા હોવાના અહેવાલ છે.

જેમાં સુગમ સોસાયટીમાં કાર ફસાઈ જતા તેને ટ્રેક્ટરની મદદથી ખેંચવાની ફરજ પડી હતી. જેમાં કારમાં પાણી ભરાઈ જતા કારને વ્યાપક નુકસાન થયું હતું.

સુરેન્દ્રનગર જિલ્લાના તાલુકામાં વરસાદ

મૂળીમાં 8.2 ઈંચ
ચોટીલામાં 7.6 ઈંચ
ચૂડામાં 3 ઈંચ
દસાડામાં 2.6 ઈંચ
થાનગઢ 5 ઈંચ
વઢવાણમાં 4.4 ઈંચ
સાયલામાં 4.1 ઈંચ
ધ્રાંગધ્રામાં 4.1 ઈંચ
લીંબડીમાં 1.65 ઈંચ
લખતરમાં 1.5 ઈંચ

નોંધનીય બાબત છે કે, સોમવાની સવારે 10 કલાકે સુધીમાં સુરેન્દ્રનગર જિલ્લામાં નોંધાયેલા વરસાદની વાત કરવામાં આવે, તો મૂળી તાલુકામાં 19 મીમી, ચોટીલા તાલુકામાં 36 મીમી, ચૂડા તાલુકામાં 28 મીમી, દસાડા તાલુકામાં 30 મીમી, થાનગઢ તાલુકામાં 60 મીમી, વઢવાણ તાલુકામાં 39 મીમી, સાયલા તાલુકામાં 18 મીમી, ધ્રાંગધ્રા તાલુકામાં 18 મીમી, લીંબડી તાલુકામાં 13 મીમી, લખતર તાલુકામાં 19 મીમી વરસાદ વરસ્યો છે.

સુરેન્દ્રનગર જિલ્લામાં હવામાન વિભાગે સાતમ-આઠમના તહેવારો પર વરસાદની આગાહી કરી

સૌથી વધુ વરસાદ મુળીમાં આઠ ઈંચ અને સૌથી ઓછો વરસાદ લખતરમાં તાલુકામાં એક ઇંચ પડ્યો#gujarat #rain #weather pic.twitter.com/w5gtXBXFnT
— DD News Gujarati (@DDNewsGujarati) August 26, 2024

નોંધનીય છે કે, સુરેન્દ્રનગર શહેર અને સમગ્ર જિલ્લામાં ભારે વરસાદ નોંધાયો છે. જે કારણે જિલ્લામાં ઘણા સ્થળો પર જળબંબાકારની સ્થિતિ જોવા મળી રહી છે. શનિવારની રાતથી સમગ્ર જિલ્લામાં ભારે વરસાદ વરસી નોંધાયો છે.

ભારે વરસાદના કારણે જનજીવન ખોરવાયું છે. સુરેન્દ્રનગર શહેરમાં આવેલા 80 ફુટ વિસ્તરમાં રોડ પર ઘૂંટણસમા પાણી ભરાઈ જવાના કારણે અનેક વાહનો ફસાયા હોવાના અહેવાલ છે. આ વિસ્તારના રોડ પર પાણી ફરી વળવાના કારણે લોકોને ભારે હાલાકીનો સમાનો કરવો પડી રહ્યો છે.

ઉલ્લેખનીય છે કે, સુરેન્દ્રનગરમાં રોડની હાલત પહેલાથી દયનીય છે, અને ભારે વરસાદના કારણે પાણી ભરાઈ જવાના કારણે અકસ્તની ઘટનાઓ સામાન્ય બની ગઈ છે. જોકે, આ અંગે જનતા ફરિયાદ કરીને થાકી ગઈ છે, છતા તંત્ર છે કે ઘોર નિંદ્રામાં પોઢી રહ્યું છે.

સુરેન્દ્રનગર જિલ્લામાં મુળી તાલુકાના ગામ-સરા અને ધ્રાંગધ્રા વચ્ચેના રસ્તા ઉપર આવેલી નદીમાં પીકપ ગાડી અને બે યુવાનો ફસાયા હોવાના મેસેજ મળતાં તાત્કાલિક મામલતદાર, ધ્રાંગધ્રા અને ટીમ દ્વારા રેસ્ક્યુ કરવામાં આવ્યું હતું.

સુરેન્દ્રનગર જિલ્લામાં મુળી તાલુકાના ગામ-સરા અને ધ્રાંગધ્રા વચ્ચેના રસ્તા ઉપર આવેલ નદીમાં પીકપ ગાડી અને બે યુવાનો ફસાયા હોવાના મેસેજ મળતાં તાત્કાલિક મામલતદારશ્રી, ધ્રાંગધ્રા અને ટીમ દ્વારા રેસ્ક્યુ કરવામાં આવ્યું. લોકોને નીચાણવાળા વિસ્તારોમાં નહીં જવા અમારી અપીલ છે. pic.twitter.com/2rkr2HNMTP
— Collector Surendranagar (@CollectorSRN) August 26, 2024