Gujarat: GSEB ધોરણ-10ની પૂરક પરીક્ષા 2025નું પરિણામ જાહેર, 27.61 ટકા આવ્યું પરિણામ
GSEB 10th Supplementary Result 2025 Out: ગુજરાતમાં આજે બોર્ડ પરીક્ષાની પૂરક પરીક્ષા 2025નું પરીણામ જાહેર કરવામાં આવ્યું. શિક્ષણ બોર્ડ દ્વારા આજે સવારે બોર્ડની વેબસાઈટ પર આ પરિણામ મૂકવામાં આવ્યું હતું. ધોરણ-10 બોર્ડમાં પૂરક પરીક્ષાનું 27.61% પરિણામ આવ્યું છે. ઉલ્લેખનીય છે કે ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા જૂન-જુલાઈ 2025માં ધોરણ-10ની પૂરક પરીક્ષા લેવામાં આવી હતી. જેમાં 93,904 જેટલા વિદ્યાર્થીઓએ પરીક્ષા આપી હતી અને તેમાંથી 25,929 વિદ્યાર્થીઓ પાસ થયા.
જૂન-જુલાઈ 2025માં લેવાઈ હતી પૂરક પરીક્ષા
Gujarat Board Results 2025: અગાઉ થોડા સમય પહેલા બોર્ડની પૂરક પરીક્ષામાં વિજ્ઞાન પ્રવાહ અને સામાન્ય પ્રવાહનું પરીણામ જાહેર કરાયું હતું. જેમાં વિજ્ઞાન પ્રવાહ (62.12) અને સામાન્ય પ્રવાહ (51.58 ટકા)નું પરિણામ જાહેર થયું હતું. તે પરીણામની સરખામણીએ ધોરણ-10નું પરીણામ ઘણું ઓછું કહી શકાય. ગુજરાત બોર્ડમાં માર્ચ મહિનામાં લેવાતી ધોરણ-10 અને ધોરણ-12ની પરીક્ષામાં એક કે તેથી વધુ વિષયમાં નાપાસ થયા હોય તેવા વિદ્યાર્થીઓનું શૈક્ષણિક વર્ષ બગડે નહીં તે હેતુસર જૂન-જુલાઈ 2025માં પૂરક પરીક્ષાનું આયોજન કરવામાં આવ્યું છે.
વિદ્યાર્થીઓ આ વેબસાઈટ પર જોઈ શકશે પરિણામ
Result 2025: ધોરણ-10ના વિદ્યાર્થીઓ પૂરક પરીક્ષાનું પરીણામ માટે gseb.org વેબસાઇટ પરથી માહિતી મેળવી શકશે. પરિણામ જોવા માટે વિદ્યાર્થીઓએ GSEB રોલ નંબરનો ઉપયોગ કરીને લોગિન કરવું અને પછી પોતાની માર્કશીટ ડાઉનલોડ કરી શકશે.
Click it and Unblock the Notifications
Sign in with Google
