Gujarat Assembly Election 2022 : ધોરાજીમાં બોગસ બુથ લેવલ ઓફિસર ઝડપાયા, જિલ્લા ચૂંટણી અધિકારીએ કાર્યવાહી કરી

ગુજરાત વિધાનસભાની ચૂંટણીના પ્રથમ તબક્કા માટે શાંતિપુર્ણ રીતે મતદાન ચાલી રહ્યુ છે. સામે આવી રહેલી વિગતો અનુસાર, 11 વાગ્યા સુધીમાં રાજ્યમાં સરેરાશ 19 ટકા આસપાસ મતદાન નોંધાયુ છે. જો કે મતદાન સાથે સાથે કેટલાક વિવાદો પણ સામે આવ્યા છે.

મતદાન વચ્ચે ધોરાજીમાં બોગસ બીએલઓ ઝડપાયા હોવાના પણ અહેવાલ છે. મળતી વિગતો અનુસાર, રાજકોટ જિલ્લા ચૂંટણી અધિકારીને ધોરાજીમાં ગેરકાયદે પ્રિસાઈડિંગ ઓફિસર કામગીરી કરતા હોવાની ફરિયાદ મળી હતી. જો કે તપાસ દરમિયાન ગેરકાયદે પ્રિસાઈડિંગ ઓફિસર નહીં પરંતુ બુથ લેવલ ઓફિસર હોવાનું સામે આવ્યુ હતું.

માહિતી અનુસાર, આ ગેરકાયદે ફરજ બજાવી રહેલા બીએલઓ તેમની પત્નીની જગ્યાએ ફરજ બજાવી રહ્યા હતા. હવે તેમને હટાવીને નવા બીએલઓની નિમણૂક કરવામાં આવી છે. અહીં તમને જણાવી દઈએ કે, રાજ્યમાં શાંતિપુર્ણ રીતે મતદાન ચાલી રહ્યુ છે.

અહીં એ વાત પણ ઉલ્લેખનિય છે કે, આમ આદમી પાર્ટીના પ્રદેશ અધ્યક્ષ અને ઉમેદવાર ગોપાલ ઈટાલિયાએ ઈલેક્શન કમિશન પર ધીમુ મતદાન કરાવવાનો આરોપ લગાવ્યો હતો. તેમણે કહ્યું કે, તેમને હરાવવા માટે ધીમુ મતદાન કરાવાઈ રહ્યુ છે.

English summary

Gujarat Assembly Election 2022: Bogus booth level officer caught in Dhoraji