Gujarat bjp president : ૪ ઓક્ટોબરે બીજેપીના નવા પ્રદેશ પ્રમુખની જાહેરાત થશે
Gujarat bjp president : ગુજરાતના રાજકારણ અને સત્તાધારી પક્ષ ભારતીય જનતા પાર્ટી (BJP) ને લઈને એક મહત્ત્વના સમાચાર સામે આવ્યા છે.
લાંબા સમયથી ચાલી રહેલી અટકળોનો અંત આવશે અને ૪ ઓક્ટોબરના રોજ ગુજરાત BJP ના નવા પ્રમુખની જાહેરાત થશે. આ નિમણૂક રાજ્યના રાજકારણ માટે ખૂબ જ નિર્ણાયક માનવામાં આવી રહી છે.
નવા પ્રદેશ પ્રમુખની વરણી માટેની પ્રક્રિયા
- ૩ ઓક્ટોબરે પ્રમુખ પદની ચૂંટણી માટે ઉમેદવારી ફોર્મ ભરવામાં આવશે.
- પ્રદેશ પરિષદના કુલ ૨૯૨ સભ્યોમાંથી ૧૦ જેટલા કાર્યકરો ઉમેદવારના ટેકેદાર (પ્રસ્તાવક) બનશે. પ્રમુખ પદના ઉમેદવારની સાથે આ ૧૦ ટેકેદારો પણ ફોર્મ ભરશે.
- ૪ ઓક્ટોબરે આ પદ માટે મતદાન અને ત્યારબાદ મતગણતરી હાથ ધરવામાં આવશે.
સૂત્રો અનુસાર, નવા પ્રદેશ પ્રમુખની ચૂંટણી બિનહરીફ થવાની લગભગ નિશ્ચિત છે. એટલે કે એક જ ઉમેદવારનું નામ જાહેર થશે અને વિધિવત્ ચૂંટણી પ્રક્રિયા બાદ તેમની બિનહરીફ વરણી કરવામાં આવશે.
પ્રદેશ પ્રમુખ પદ માટે પક્ષ દ્વારા લેવાયેલા સેન્સમાં ઓબીસી (OBC), એસસી (SC), અને એસટી (ST) એમ વિવિધ સામાજિક વર્ગના નેતાઓના નામોની ચર્ચા કરવામાં આવી છે. આના પરથી સ્પષ્ટ થાય છે કે, પક્ષ સામાજિક સંતુલન જાળવીને કોઈ મોટા સમુદાયના નેતાને આ મહત્ત્વપૂર્ણ જવાબદારી સોંપવા માંગે છે.
Click it and Unblock the Notifications
Sign in with Google
